پاکستان ایگلز نے بابا گرو نانک انٹر نیشنل گولڈ کبڈی کپ کے فائنل میں ایران کی ٹیم لائنز آف تبریز کو 26 کے مقابلے میں 54 پوائنٹس سے شکست دی۔
تفصیلات کے مطابق باب گرونانک انٹر نیشنل گولڈ کبڈی کپ ایونٹ کا فائنل میچ پاکستان ایگلز اور انڈین ٹائیگرز کے درمیان تھا جو بھارتی ٹیم کی دستبرداری کی وجہ سے ایرانی ٹیم کے کیساتھ ہوا۔
قبل ازیں بھارت کبڈی ٹیم کے کپتان نے کہا تھا کہ ہمیں بہت دکھ ہؤا ہے ہے کہ ہم فائنل میچ پاکستان کے ساتھ نہیں کھیل سکے، ہمارے چار کھلاڑیوں کو ویزہ نہیں مل سکا اور تین کھلاڑی ان فٹ ہو چکے ہیں، بدقسمتی سے ہمیں فائنل میچ سے دستبردار ہونا پڑ رہا ہے۔
سیکرٹری کبڈی فیڈریشن پاکستان ہماری خواہش تھی کہ عوام کو بھرپور کبڈی میچ کا فائنل دیکھنے کو ملتا مگر بدقسمتی سے ایسا نہ ہو سکا، بہت جلد ہم بھارت میں جا کر کھیلیں گے۔
By 
