کراچی کنگز نے اسلام آباد یونائیٹڈ کو جیت کیلئے 129 رنز کا ہدف دے دیا

پاکستان سپر لیگ (پی ایس ایل ) کے 10ویں میچ میں کراچی کنگز نے اسلام آباد یونائیٹڈ کے خلاف پہلے بیٹنگ کرتے ہوئے جیت کیلئے 129 رنز کا ہدف دیا ہے۔

کراچی کنگز نے پہلے پہلے کھیلتے ہوئے 7 وکٹوں کے نقصان پر 128 رنز اسکور کیے، کراچی کے اوپنر ٹم سائفرٹ نے سب سے زیادہ 30 رنز بنائے، سعد بیگ 20 اور خوشدل شاہ 17 رنز بناکر نمایاں رہے، ڈیوڈ وارنر 3، جیمز ونس 4 اور عرفان خان 5 رنز بناکر پویلین لوٹ گئے۔

یہ بھی پڑھیں:آئی سی سی ویمنز ورلڈ کپ کوالیفائر ٹیم آف دی ٹورنامنٹ کا اعلان، 4 پاکستانی پلیئرز شامل

محمد نبی اور عامر جمال 7 ،7 رنز بناکرآؤٹ ہوئے، تاہم آخری اوورز میں عباس آفریدی نے جارحانہ بیٹنگ کا مظاہرہ کرتے ہوئے 9 گیندوں پر 24 رنز کی برق رفتار اننگز کھیلی۔ اسلام آباد یونائیٹڈ کے کپتان شاداب خان نے 17 رنز دے کر 2 وکٹیں حاصل کیں ۔

ان کے علاوہ نسیم شاہ اور جیسن ہولڈر نے 2، 2 وکٹیں حاصل کرنے میں کامیاب ہوئے۔ پی ایس ایل10 کے دسویں میچ میں اسلام آباد یونائیٹڈ نے کراچی کنگز کے خلاف ٹاس جیت کر پہلے باؤلنگ کرنے کا فیصلہ کیا ۔

ٹاس جیتنے کے بعد گفتگو کرتے ہوئے اسلام آباد یونائیٹڈ کے کپتان شاداب خان کا کہنا تھا کہ پچ میں آسٹریلیا کی مٹی استعمال ہوئی ہے، کوشش کریں گے اپنی حکمت عملی کے مطابق کھیلیں۔

اسلام آباد یونائیٹڈ کی ٹیم میں 2 تبدیلیاں کی گئی ہیں، کراچی کے خلاف میچ کےلیے محمد نواز اور بین ڈوارشیئس کو شامل کیا گیا ہے۔ اس موقع پرکپتان کراچی کنگز ڈیوڈ وارنر کا کہنا تھا کہ پاکستان میں کرکٹ کا بہت شاندار ٹیلنٹ ہے، ہم بھی ٹاس جیتتے تو پہلے فیلڈنگ کرتے۔

یہ بھی پڑھیں:حسن علی پی ایس ایل کی تاریخ میں سب سے زیادہ وکٹیں لینے والے باؤلر بن گئے

کراچی کنگز نے اسلام آباد کے خلاف میچ کےلیے اپنی ٹیم میں ایک تبدیلی کی ہے اور ریاض اللہ کی جگہ سعد بیگ کو شامل کیا گیا ہے۔