پاکستان پر ٹرمپ ٹیرف کے اثرات کیا ہوں گے؟ اکنامک پالیسی اینڈ بزنس ڈویلپمنٹ نے رپورٹ جاری کر دی

اکنامک پالیسی اینڈ بزنس ڈویلپمنٹ نے ٹرمپ ٹیرف کے اثرات پر رپورٹ جاری کردی۔

رپورٹ کے مطابق امریکی مصنوعات کو پاکستان میں پسندیدہ ترین کا درجہ حاصل ہے، پاکستان نے امریکہ کو پسندیدہ ترین ملک کا درجہ دے رکھا ہے۔

رپورٹ کے مطابق پاکستان امریکہ کی ایکسپورٹس سے صرف 15 کروڑ 70 لاکھ ٹیرف وصول کرتا ہے، امریکہ پاکستان کی ایکسپورٹس سے سالانہ 61 کروڑ ڈالرز ٹیرف وصول کرتا ہے۔

پاکستان نے امریکہ کی درآمدات پر 10.3 فیصد ٹیرف عائد کیا ہوا ہے، امریکہ نے پاکستان کی برآمدات پر 10.7 فیصد ٹیرف عائد کیا ہے۔ پاکستان کی 14.8 فیصد برآمدات امریکہ میں ڈیوٹی فری پہنچتی ہیں۔

ملک کے مختلف شہروں میں سیمنٹ کی قیمتوں میں اضافہ ہو گیا

پاکستان کی 53 فیصد ایکسپورٹس پر امریکی ٹیرف عائد ہیں، رپورٹ کے مطابق پاکستان کو بنگلہ دیش ، ویتنام اور چین کے مقابلے میں فائدہ ہے، پاکستان ملبوسات ، فیبرکس اور غذائی مصنوعات کی برآمدات بڑھا کر فائدہ اٹھا سکتا ہے۔

رپورٹ کے مطابق پاکستان کو کھیلوں کے سامان کی بہتر مارکیٹ رسائی میسر آ سکتی ہے، ٹرمپ ٹیرف کے باعث پاکستان کی ٹیکسٹائل مصنوعات متاثر ہوسکتی ہیں، امریکہ نے پاکستانی مصنوعات پر دیگر ممالک کے مقابلے میں زیادہ ٹیرف عائد کر رکھا ہے۔

پاکستانی ایکسپورٹس پر یورپی یونین کے مقابلے میں امریکہ کا ٹیرف زیادہ ہے، ٹرمپ ٹیرف کے بعد پاکستان کی ایکسپورٹس پر ٹیکسوں کا بوجھ بڑھ جائے گا، رپورٹ میں تجویز دی گئی کہ پاکستان امریکہ کے علاوہ دیگر ممالک کو اپنی ایکسپورٹس بڑھائے، پاکستان امریکہ کے ساتھ بہتر سفارتی تعلقات کے ذریعے ٹیرف کم کرا سکتا ہے۔