ادارہ شماریات نے مہنگائی میں ہفتہ وار کمی کا دعویٰ کیا ہے، رپورٹ کے مطابق 18 اشیاء سستی، 11 مہنگی، 22 کی قیمتوں میں استحکام رہا۔
ہفتہ وار اعداد و شمار کے مطابق مہنگائی میں ہفتہ وار کمی 1.92 فیصد ریکارڈ کی گئی، ادارہ شماریات کے مطابق سالانہ بنیاد پر مہنگائی منفی 3.52 فیصد کی سطح پر آ گئی۔
زندہ برائلر مرغی 11.75 فیصد، گندم کا آٹا 5.68 فیصد ، لہسن 4.66 فیصد، کیلے 3.51 فیصد، پیاز 1.93 فیصد اور چاول 1.58 فیصد سستے ہوئے ہیں۔
مزید سستی ہونے والی اشیاء میں سرسوں کا تیل، ٹماٹر، بجلی اور ایل پی جی بھی شامل ہے۔
ایک ہفتے کے دوران 11 اشیائے ضروریہ کی قیمتوں میں اضافہ ہوا، آلو 6.94 فیصد، انڈے 0.66 فیصد، نمک 0.51 فیصد مہنگا ہوا، ان کے علاوہ مہنگی ہونے والی اشیا میں گڑ، دہی، دال مسور، چنا، سگریٹ، کپڑے بھی شامل ہیں۔
By 
