عام شہریوں کا قتلِ عام، بھارتی فوج کے جھوٹے انکاؤنٹرز کی حقیقت عالمی سطح پر عیاں ہوگئی

بھارتی فوج کا پہلگام فالس فلیگ آپریشن بری طرح ناکام، مودی سرکار کی جگ ہنسائی ہونے لگی۔

ذرائع کے مطابق پہلگام فالس فلیگ آپریشن کے بعد24 اپریل 2025 کو مقبوضہ جموں و کشمیر کے اڑی سیکٹر میں2 بے گناہ نہتے شہریوں کو دن دہاڑے بھارتی فوج نے شہید کر دیا۔ شہید ہونے والے افراد میں محمد فاروق اور محمد دین شامل تھے۔ دونوں افراد کو بھارتی فوج نے جعلی انکاؤنٹر کے دوران شہید کیا۔ بھارتی فوج کے جھوٹے انکاؤنٹرز کی حقیقت عالمی سطح پر عیاں ہو چکی۔

مزید پڑھیں: پہلگام فالس فلیگ واقعہ، ہندوستانی پولیس اسٹیشن میں درج ایف آئی آر نے مودی حکومت کا جھوٹ بے نقاب کر دیا

ذرائع کا کہنا ہے کہ پہلگام فالس فلیگ آپریشن کے بعد مودی سرکار جعلی انکاؤنٹرز کے نام پر معصوم کشمیریوں کا قتل عام کر رہی ہے۔ بھارتی انٹیلی جنس ایجنسیز زیر حراست معصوم کشمیریوں اور پاکستانیوں کو جعلی انکاؤنٹرز میں استعمال کرتی ہیں۔ ماضی میں بھی بھارتی فوج جعلی انکاؤنٹرز میں کشمیری نوجوانوں کو شہید کر کے ڈھونگ رچاتی رہی ہے۔