عالمی میڈیا بھی مودی کی مسلمانوں کیخلاف نفرت انگیز پالیسی پر بول اٹھا

پہلگام فالس فلیگ آپریشن کے بعد بھارت میں بڑھتی مسلم دشمنی کے چشم کشا انکشافات، عالمی میڈیا بھی مودی کی مسلمانوں کیخلاف نفرت انگیز پالیسی پر بول اٹھا۔

ذرائع کے مطابق بی جے پی رہنماؤں کی ایماء پر مسلمانوں پر تشدد اور مساجد میں توہین آمیز پوسٹرز لگائے گئے، اتر پردیش، ہریانہ، مہاراشٹرا میں مسلمانوں پر حملوں اور دھمکیوں کی نئی لہرجاری ہے ۔

ذرائع کا بتانا ہے کہ مودی سرکار کی مسلم دشمنی کی انتہا، بھارتی ڈیجیٹل میڈیامسلمانوں کے خلاف زہر اگلنے لگا، الجزیرہ ٹی وی کے مطابق پہلگام حملے کے بعد بھارت میں 20 نفرت انگیز اسلاموفوبک گانے ریلیز جبکہ  بی جے پی رہنما نیتیش رانے کی مسلمانوں کے معاشی بائیکاٹ کی اشتعال انگیز اپیل کی ہے۔

یہ بھی پڑھیں : چین ڈیل کرنا چاہتا ہے، ہم ڈیل کرنے جارہے ہیں، ٹرمپ

الجزیرہ کی رپورٹ کے مطابق کشمیری مسلمانوں پر حملے، بھارت بھر میں 21 سے زائد اینٹی مسلم تشدد کے واقعات رپورٹ ہوے ، حملے کے بعد بھارت میں مسلمان مریضوں کا علاج روکنے اور طلباء پر تشدد کے واقعات بھی سامنے آئے۔

واشنگٹن ڈی سی کے “مرکز برائے مطالعۂ منظم نفرت” کی رپورٹ کے مطابق  بھارت میں مسلم دشمنی شدید بڑھ چکی ہے۔

دفاعی ماہرین کاکہنا ہےکہ مودی مسلمانوں کیخلاف نفرت بھڑکا کر سیاسی مقاصد حاصل کر رہا ہے، مودی ہندو مسلم فسادات کو ہوا دے کر خطے میں کشیدگی بڑھانے میں مصروف ہے۔