پہلگام فالس فلیگ آپریشن کی منصوبہ سازبھارتی ایجنسی ’را‘ نکلی، خفیہ دستاویزات منظرعام پرآگئیں

بھارتی خفیہ ایجنسی’ را‘ پہلگام حملے کی منصوبہ ساز نکلی، خفیہ دستاویزبھی منظرعام پرآگئیں، منظر عام پر آنے والی دستاویز سے ہوشربا انکشافات سامنے آئے ہیں، جس سے پاکستان کا عالمی سطح پر کیس مزید مضبوط ہو گیا ہے۔

سیکیورٹی ذرائع کے مطابق پہلگام فالس فلیگ آپریشن میں بھارتی انٹیلی جنس ایجنسی ’را‘ کا کردار بے نقاب ہو گیا ہے، ذرائع کا کہنا ہے کہ یہ دستاویز سوشل میڈیا ایپ ’ٹیلیگرام ‘ کے ذریعے لیک ہوئی ہے، دستاویز میں بھارتی حکومت کی مداخلت کے ثبوت موجود ہیں۔

منظر عام پر آنے والی دستاویز کے مطابق ’را‘ کی جانب سے ہدایات اور ان پرعملدرآمد میں تضاد فالس فلیگ آپریشن کا باعث بنا۔ دستاویزبا عنوان ’پی ایس وائے آوپس‘ اور بیانیہ کنٹرول میں واضح ہدایات دی گئی ہیں کہ ’واقعے کا بیانیہ یوں مرتب ہو کہ یہ ریاست سمیت غیر مسلموں پر حملہ بن کر ابھرے‘۔ اس واقعے کو ابھارنے کے لیے یہ وقت بہت اہم ہوگا، میڈیا کے اثاثوں کو 36 سے 48 گھنٹے پہلے واقعے کی جگہ پر متحرک کیا جائے گا۔

دستاویز کے مطابق ضلع اننت ناگ میں ایک کارروائی عمل میں لائی جائے گی ، سیاحوں کی آمد و رفت کی نگرانی کے بہانے خاص جگہوں پر اپنے فیلڈ آپریٹرز  تعینات کیے جائیں گے ، حملے کے 2 سے 4 گھنٹے کے اندر اے آئی سسٹم کے تحت گواہوں کے بیانات لیے جائیں گے،  دھندلی ویڈیوز کی مدد سے واقعہ کی تصویریں دوبارہ بنائی جائیں گی۔

’را‘ کی دستاویز کے مطابق مرکزی ہیش ٹیگ کے بجائے 200 سے زیادہ سوشل میڈیا اکاؤنٹس کے ذریعے غلط معلومات کی مہم چلائی جائے گی، آئی ایس آئی پر الزام ڈالنے کے لیے ٹرینڈز کو بغیر کنٹرول کے پھیلایا جائے گا، بحث کا رخ کشمیر سے ہٹا کر عالمی اسلامی سازشوں کی طرف موڑنے کی کوشش کی جائے گی۔

دستاویز کے مطابق شمالی کمان حملے کی جگہ کے قریب سے ملنے والی خط و کتابت کو آئی ایس آئی سے منسلک کرے گی، شمالی کمان فرانزک انداز میں آئی ایس آئی کی مبینہ دستاویزات لیک کرے گی۔ آپریشن کو امریکی نائب صدر جے ڈی وینس کی سفارتی موجودگی کے مطابق  ترتیب گیا ہے۔

دستاویز کے مطابق عالمی برادری سے انسداد دہشت گردی پر یکجہتی کی اپیل بھی کی جائے گی، دستاویزات میں متبادل منصوبے کی نشاندہی کرتے ہوئے کہا گیا ہے کہ؛  شوپیاں میں متبادل نظام فعال کر دیا گیا ہے جو کہ لیک ہونے کی صورت میں متبادل پلان کے طور پر کام کرے گا۔

’را‘ دستاویز کے مطابق ایل او سی پر پاکستان کی تیز پیش قدمی بھارت کے کنٹرول کو چیلنج کر سکتی ہے،  1.3 کلومیٹر حد کی خلاف ورزی اقوام متحدہ یا چین کی ثالثی کو دعوت دے سکتی ہے،  ایل او سی پر پاکستان کی تیز پیش قدمی بھارت کے کنٹرول کو چیلنج کر سکتی ہے۔

دستاویز کے مطابق  1.3 کلومیٹر حد کی خلاف ورزی اقوام متحدہ یا چین کی ثالثی کو دعوت دے سکتی ہے،  بھارتی پیش قدمی کو 1.2 کلومیٹر تک محدود رکھنے کی ہدایات جاری کر دی گئی ہیں، غیر جانبدار ممالک کی جانب سے ممکنہ مزاحمت یا دباؤ کا سامنا ہو سکتا ہے۔

دستاویز کے مطابق کوڈ INDOPACOM کے ذریعے متبادل لائن  TANGO-ECHO کو چالو رکھا جائے گا، بلوچستان میں بی ایل اے اور بی این اے کی سرگرمیوں اور رد عمل میں فرق پیدا ہونے کا خدشہ ہے،  کشمیر حملے کے بعد 3 سے 48 گھنٹے کے اندر کارروائی کے لیے ٹائم ونڈوز مقرر کی جائیں گی۔ بی ایل اے سیلز T-48 پر سوئی اور کوئٹہ میں سرگرمیاں شروع کریں گے۔

دستاویز کے مطابق ہندو ہلاکتوں کو صرف مخصوص غیر ریاستی پلیٹ فارمز تک محدود رکھنے کی ہدایت جاری کی جاتی ہے، اننت ناگ اور کاندرا بل کوریڈور میں سادہ لباس میں ڈینٹرس سکواڈ تعینات کیا جائے گا،  چین کی اقتصادی اہداف جیسے سی پیک اور گوادر پر ابتدائی عمل درآمد کے دوران نظر رکھی جائے گی۔

دستاویز کے مطابق حتمی فیصلہ ’را‘ اور ’اے ڈبلیو‘ نکات پر مبنی ہوگا۔ اگر 21 اپریل 2025 تک کوئی مسئلہ نہیں آتا، تو حتمی کمانڈ اینالاگ چینل سے فراہم کی جائے گی‘۔ ’آپریشن کے بعد تمام فیلڈ آپریٹو کے لیے بلیک اسٹیٹس کو قبول کیا جائے گا۔

ادھر ’را‘ کی دستاویز منظر عام پر آنے کے بعد دفاعی ماہرین کا کہنا ہے کہ  پہلگام واقعہ انٹیلیجنس ایجنسی را کی طے اور منظور شدہ کارروائی ہے، کشمیریوں کے خلاف بھارت کی نفرت کھل کر بے نقاب ہو گئی ہے، سیاسی مقاصد کے حصول کے لیے معصوم شہریوں کو نشانہ بنانا مودی سرکار کا وطیرہ ہے۔ یہ دستاویز ثابت کرتی ہے کہ پہل گام بھی پچھلے حملوں کی طرح فالس فلیگ آپریشن تھا۔

ذرائع کے مطابق بھارتی میڈیا نے فالس فلیگ آپریشن کا فوری الزام پاکستان پر عائد  کرکے بھارتی خفیہ ایجنسی ’را‘ کا منصوبہ خراب کردیا، دستاویز اور ان تضادات سے واضح ہوتا ہے کہ بھارتی خفیہ ایجنسی ’را‘کو بھی کوئی ہدایات دیتا ہے، دستاویز کا یوں سوشل میڈیا پر آنا ’را‘  کے اندر ہندوتوا مخالف سوچ  کا بھی شاخسانہ لگتا ہے، بھارتی حکومت دستاویز کے سوشل میڈیا پر لیک ہونے کی تحقیقات کی جا رہی ہیں۔