سوشل میڈیا پلیٹ فارمز پر ترجمان پاک فوج لیفٹیننٹ جنرل احمد شریف چوہدری کا پریس کانفرنس میں بولا گیا جملہ ’ہم تیار ہیں، آزمانا نہیں‘ ٹاپ ٹرینڈ بن گیا ہے۔
بدھ کو ڈائریکٹر جنرل آئی ایس پی آرتر لیفٹیننٹ جنرل احمد شریف چوہدری نے وزیر خارجہ اسحاق ڈار کے ہمراہ پریس کانفرنس سے خطاب کرتے ہوئے کہا تھا کہ ’ بھارت کے پہلگام فالس فلیگ آپریشن اور دھمکیوں کے جواب میں مسلح افواج اور عوام متحد ہیں،
ڈی جی آئی ایس پی آر کی زوردار پریس کانفرنس نے بھارت کو اسی کی زبان میں جواب دیا جس میں انہوں نے بھارت کو واضح اور دو ٹوک الفاظ میں کہا کہ ’ ہم تیار ہیں، آزمانا نہیں، 2019 میں ہم نے یہی بتایا تھا۔ ہم وہ نہیں جو محاذ آرائی شروع کریں، ہم ذمہ دار ملک ہیں۔
ڈی جی آئی ایس پی آر نے کہا کہ اگر وہ(دشمن) یہ سمجھتا ہے کہ جارحیت ہی راستہ ہے تو ہم تیار ہیں ، ہماری آزمائش نہ کریں، ہم نے ہر ڈومین میں جوابی کارروائی کے اقدامات مکمل کرلیے ہیں، ہم ہر وقت اور ہر جگہ تیار ہیں۔
ڈی جی آئی ایس پی آر نے کہا کہ پاکستانی عوام اپنی خودمختاری اور سالمیت کا ہرقیمت پر دفاع کرے گی، فوجی تصادم کا راستہ بھارت نے چنا تو یہ اس کی چوائس ہے، آگے یہ معاملہ کدھر جاتا ہے تو یہ پھر ہماری چوائس ہو گی، ہم بار بار بتا رہے ہیں ہم تیار ہیں ہمیں آزمانا نہیں۔
ڈی جی آئی ایس پی آر کا پیغام ’ہم تیار ہیں، ہمیں آزمانا نہیں‘ عوام کی آواز بن گیا، تمام سوشل میڈیا صارفین نے اس بیان کو راتوں رات پاپولر ہیش ٹیگ بنا دیا، ڈی جی آئی ایس پی آر کے یہ الفاظ سوشل میڈیا پر وائرل ہو گئے۔ سوشل میڈیا پر ڈی جی آئی ایس پی آر کا یہ بیان پاکستان اور پاکستانی عوام کے عزم کی عکاسی کرتا ہے۔
By 
