اپوزیشن لیڈر قومی اسمبلی عمر ایوب کی کامیابی کے خلاف درخواست پر سماعت8 مئی کو ہو گی

الیکشن کمیشن آف پاکستان (ای سی پی) نے قومی اسمبلی میں اپوزیشن لیڈر عمر ایوب کی انتخابی کامیابی کو چیلنج کرنے والی درخواست پر سماعت 8 مئی کو مقرر کر دی۔

ای سی پی کی آئندہ ہفتے کی کاز لسٹ کے مطابق عمر ایوب اور درخواست گزار بابر نواز دونوں کو نوٹس جاری کر د ئیے گئے ہیں۔ گزشتہ سماعت درخواست گزار کی جانب سے تیاری کے لیے مزید وقت دینے کی استدعا پر ملتوی کی گئی تھی۔

یہ بھی پڑھیں:پاکستان تحریک انصاف میں کوئی فارورڈ بلاک نہیں بنے گا : اپوزیشن لیڈر قومی اسمبلی عمر ایوب

مزید برآں ای سی پی رکن قومی اسمبلی جمشید دستی کی نااہلی سے متعلق ریفرنس کی سماعت 7 مئی کو کرے گا، اس سماعت کے لیے بھی نوٹس بھی جاری کر د ئیے گئے ہیں۔