پہلگام فالس فلیگ کے بعد بھارتی بربریت، 9 کشمیری شہید، 2480 گرفتار کئے

پہلگام فکشمالس فلیگ آپریشن کے بعد مودی سرکار کی جانب سے مقبوضہ کشمیر میں مظالم اور بربریت کا سلسلہ جاری ہے۔اپریل کے مہینے میں نو کشمیریوں کو جعلی مقابلوں میں شہید کیا گیا جبکہ چھتیس مکانات تباہ، 2480 کشمیری گرفتار کیے گئے۔

عالمی میڈیا رپورٹ کے مطابق، غیر قانونی طور پر بھارت کے زیر قبضہ جموں و کشمیر میں بھارتی فوجیوں نے اپنی ریاستی دہشت گردی کی کارروائیوں کے دوران گزشتہ ماہ اپریل میں 9 کشمیریوں کو شہید کیا۔ کشمیر میڈیا سروس کے شعبہ تحقیق کی طرف سے جاری کردہ اعداد و شمار کے مطابق ان میں سے تین کو جعلی مقابلوں میں یا دورانِ حراست شہید کیا گیا۔ ان شہادتوں کی وجہ سے ایک خاتون بیوہ اور پانچ بچے یتیم ہو گئے۔

یہ بھی پڑھیں: جنگ کی باتیں محض دھمکیاں، پہلگام واقعہ بھارتی سیکورٹی اداروں کی ناکامی ہے، سابق سربراہ ’’را‘‘

بھارتی فوج، پیرا ملٹری سینٹرل ریزرو پولیس فورس، پولیس کے اسپیشل آپریشن گروپ اور سی آئی ڈی، این آئی اے اور ایس آئی اے جیسی بدنام زمانہ ایجنسیوں نے کم از کم 2480 شہریوں کو گرفتار کیا جن میں زیادہ تر سیاسی کارکن، نوجوان، تاجر اور طلباء شامل ہیں۔

ضلع اسلام آباد کے علاقے پہلگام کے قریب بائسرن کے سیاحتی مقام پر 25 غیر کشمیریوں اور ایک مقامی کشمیری کو فائرنگ کرکے ہلاک اور 15 افراد کو زخمی کیا گیا۔ بھارتی فورسز نے علاقے میں 36 رہائشی مکانات کو تباہ کیا یا شدید نقصان پہنچایا۔

بھارتی فورسز نے ایک ماہ کے دوران علاقے میں محاصرے، تلاشی اور گھروں پر چھاپوں کی 322 کارروائیاں کیں جن کے دوران یہ ہلاکتیں، گرفتاریاں اور مکانات کی تباہی کی گئی۔

یہ بھی پڑھیں: پہلگام فالس فلیگ: بھارتی رپورٹر نے زمینی حقائق بے نقاب کردیئے، عینی شاہد نے بھانڈا پھوڑ دیا