پاک بھارت کشیدگی، ایرانی وزیر خارجہ سید عباس عراقچی اہم دورے پر اسلام آبادپہنچ گئے

خطے میں جاری کشیدگی کے تناظر میں ایرانی وزیر خارجہ سید عباس عراقچی ایک روزہ دورے پر اسلام آباد پہنچ گئے۔

تفصیلات کے مطابق ایرانی وزیر خارجہ سید عباس عراقچی اہم سرکاری دورے پر اسلام آباد پہنچ گئے، انکے ہمراہ ایک اعلیٰ سطح کا وفد بھی ہے۔ دورے کے دوران وہ پاکستان کے وزیر خارجہ اسحاق ڈار سے بھی ملاقات کریں گے جس میں پاک ایران تعلقات اور خطے کی موجودہ صورتحال پر تبادلہ خیال کیا جائے گا۔

اسلام آباد ائیر پورٹ پر پاکستان میں ایران کے سفیر اور وزارتِ خارجہ کے علی حکام نے ا نکا استقبال کیا۔دورہِ پاکستان کے دوران وہ صدرِ پاکستان اور وزیر اعظم شہباز شریف اور دیگر اعلی حکام سے ملاقات کریں گے۔ ذرائع کے مطابق ایرانی وفد اسلام آباد سے منگل کے روز بھارت روانہ ہوگا۔