ملک میں سیمنٹ کی فروخت اور برآمدات میں اضافہ ہو گیا

ملک میں سیمنٹ کی فروخت اور برآمدات میں اضافہ ہو گیا۔

سیمنٹ کی مقامی فر وخت میں اپریل 2025 کے دوران 7.66 فیصد جبکہ برآمدات میں 34.56 فیصد کا نمایاں اضافہ ہوا ہے۔

آل پاکستان سیمنٹ مینوفیکچررز ایسوسی ایشن  کے اعداد و شمار میں کہا گیا ہے کہ اپریل 2025 کے دوران سیمنٹ کی مقامی فرو خت میں 2.516 ملین ٹن تک اضافہ ہو گیا جبکہ اپریل 2024 کے دوران فروخت کا حجم 2.337 ملین ٹن رہا تھا۔

سونے کی مقامی اور عالمی قیمتوں میں اضافہ، 6100 روپے فی تولہ مہنگا

اعداد و شمار کے مطابق اپریل 2024 کے مقابلہ میں اپریل 2025 کے دوران سیمنٹ کی مقامی فر وخت میں 0.179 ملین ٹن یعنی 7.66 فیصد اضافہ ہوا۔

اس دوران سیمنٹ کی برآمدات 34.56 فیصد کی نمایاں اضافے سے 6 لاکھ 14 ہزار 214 ٹن کے مقابلہ میں 8 لاکھ 26 ہزار 457 ٹن تک بڑھ گئیں۔

رواں مالی سال کے ابتدائی دس ماہ کے دوران سیمنٹ کی مجموعی فروخت 0.32 فیصد کے اضافہ سے 37.454 ملین ٹن رہی۔