طیاروں کے بعد بھارت کی کرنسی بھی زمین بوس ، معیشت کو بڑا جھٹکا

پاکستان کے ہاتھوں اپنے جہاز گروانے کے بعد بھارت کی معیشت بھی آسمان سے زمین پر آگئی ہے۔

بھارتی جارحیت کے پاکستان کے تاریخ ساز دفاع کے بعد بمبئی اسٹاک ایکسچینج سینسیکس میں کاروبار کا بدترین آغاز ہوا ہے،  بدھ کی صبح بھارتی روپیہ امریکی ڈالر کے مقابلے میں گراوٹ کا شکار ہو گیا۔

بھارت کی بمبئی اسٹاک ایکسچینج میں ایک فیصد سے زائد کی مندی دیکھی گئی ، بمبئی اسٹاک ایکسچینج کا سینسیکس انڈیکس 80 ہزار سے نیچے چلا گیا۔

خبر رساں ایجنسی کے مطابق ممبئی کے ایک بڑے بینک کے کرنسی ٹریڈر نے کہا کہ مارکیٹ میں ”احتیاط اور خوف“ کی فضا ہے اور اگر صورتحال مزید بگڑتی ہے تو بھارتی معیشت پر دباؤ میں اضافہ ہوگا۔

یہ بھی پڑھیں : لاہور اور کراچی کی فضائی حدود بحال ، تمام شہروں میں معمولات زندگی رواں دواں

انہوں نے اعتراف کیا کہ ’صورتحال کے پیش نظر سب کی نظریں خبروں پر مرکوز ہیں۔

اس حوالے سے بھارتی ریزرو بینک (RBI) کے ممکنہ اقدامات کی بھی توقع کی جا رہی ہے تاکہ کسی بڑی مالیاتی بدنظمی سے بچا جا سکے۔ تاہم ماہرین خبردار کر رہے ہیں کہ اگر خطے میں کشیدگی بڑھتی رہی تو بھارتی معیشت کیلئے خطرے کی گھنٹی بج سکتی ہے۔

واضح رہے کہ پاک فضائیہ نے رات گئے  بھارتی حملے کے نتیجے میں جوابی کارروائی کرتے ہوئے ڈرون سمیت 6 بھارتی طیاروں کو مار گرایا ہے۔