بھارتی بزدلانہ کارروائی: پنجاب کے تعلیمی اداروں میں چھٹیاں؟ حقیت سامنے آگئی

پاک بھارت کشیدگی کے پیش نظر پنجاب کے تعلیمی اداروں میں 10 مئی تک چھٹیوں کے حوالے سے نوٹیفکیشن سوشل میڈیا پر گردش کررہا ہے۔

مذکورہ نوٹیفکیشن میں یہ دعویٰ کیا جارہا ہے کہ محکمہ تعلیم پنجاب نے 10  مئی تک تعلیمی ادارے بند رکھنے کی ہدایت کی ہے۔ اس نوٹیفکیشن پرمتعلقہ حکام کے دستخط بھی موجود ہیں۔

دراصل یہ ٹوٹیفکیشن جعلی ہے اورمحکمہ تعلیم پنجاب نے تعلیمی اداروں میں چھٹیوں سے متعلق کوئی اعلان نہیں کیا۔

وزیر اطلاعات پنجاب عظمی زاہد بخاری نے تعلیمی اداروں میں چھٹیوں کی توسیع کے حوالے سے سوشل میڈیا پر زیرگردش نوٹی فکیشن کو جعلی قرار دے دیا۔

یہ بھی پڑھیں: محکمہ صحت نے ایمرجنسی الرٹ جاری کر دیا، عملے کی چھٹیاں منسوخ

اپنے ایک بیان میں انہوں نے کہا کہ اسکولز کی چھٹیوں میں اضافے کا فی الحال فیصلہ نہیں ہوا، چھٹیوں میں اضافے کا زیر گردش نوٹی فکیشن جعلی ہے۔

عظمیٰ بخاری نے کہا کہ پنجاب میں اسکولز کی چھٹیوں میں اضافے کا فیصلہ صورتحال کے مطابق کیا جائے گا۔

یہ بھی پڑھیں: پاک بھارت کشیدگی، محکمہ شہری دفاع بھی متحرک، اسٹاف کی چھٹیاں منسوخ ، چوکیاں فعال