زرمبادلہ کے سرکاری ذخائر میں کروڑوں ڈالرز کا اضافہ

اسٹیٹ بینک نے کہا ہے کہ سرکاری ذخائر میں کروڑوں ڈالر کا اضافہ ہوا ہے۔

اسٹیٹ بینک کے اعداد و شمار کے مطابق  زرمبادلہ کے سرکاری ذخائر میں گزشتہ ہفتے کے دوران 9 مئی کو 7 کروڑ 10 لاکھ ڈالر کا اضافہ ہوا۔

روپیہ ڈالر کے مقابلے میں مضبوط، ڈالر کی قدر میں کمی ہو گئی

جس کے  بعد زرمبادلہ کے سرکاری ذ خائر کی مالیت 10 ارب 40 کروڑ 31 لاکھ ڈالر کی سطح پر آ گئی ہے۔ مرکزی بینک کے مطابق  9  مئی کو زرمبادلہ کے مجموعی ذخائر کی مالیت 15 ارب 61 کروڑ 31 لاکھ ڈالر ریکارڈ کی گئی ہے۔

کمرشل بینکوں کے پاس 5 ارب 21 کروڑ 7 لاکھ ڈالر کے ذخائر موجود ہیں۔ اسٹیٹ بینک کے مطابق آئی ایم ایف سے ملنے والی قرض کی دوسری قسط ایک ارب 2 کروڑ30 لاکھ ڈالر 16 مئی کو جاری ہونے والے اعداد وشمار میں شامل کی جائے گی۔