ملک میں چینی کی زیادہ سے زیادہ قیمت بڑھ کر 185 روپے فی کلو تک پہنچ گئی

ملک میں چینی کی زیادہ سے زیادہ قیمت بڑھ کر 185 روپے فی کلو تک پہنچ گئی۔

ادارہ شماریات کے مطابق ملک بھر میں چینی کی اوسط قیمت 3 روپے 38 پیسے فی کلو مزید بڑھ کر 175 روپے 19 پیسے فی کلو تک جا پہنچی۔

مہنگائی کی شرح میں اضافہ، 18 اشیاء مہنگی، 12 سستی اور 21 کی قیمتوں میں استحکام رہا

چینی کی ز یادہ سے زیادہ قیمت بڑھ کر 185 روپے فی کلو تک پہنچگئی ہے، پشاور کے شہری ملک میں سب سے مہنگی چینی خریدنے پر مجبور ہیں۔

حالیہ ایک ہفتے میں پشاور میں چینی کی قیمت میں 5 روپے تک فی کلو کا اضافہ ہوا ہے۔گزشتہ روز چیئرمین ہول سیل گروسرز ایسوسی ایشن عبدالرؤف ابراہیم نے کہا تھا کہ قیمتوں کو کنٹرول نہ کیا گیا تو چینی 200 روپے فی کلو تک چلی جائے گی۔