کوئی بھی ملک سندھ طاس معاہدہ یکطرفہ ختم نہیں کر سکتا، برطانوی وزیر خارجہ ڈیوڈ لیمی

برطانوی وزیر خارجہ ڈیوڈ لیمی نے کہا ہے کہ کوئی بھی ملک سندھ طاس معاہدہ یکطرفہ ختم نہیں کر سکتا۔

انہوں نے کہا کہ امریکا اور خلیجی ممالک سے مل کرپاک بھارت جنگ بندی کو پائیداربنانے کے لیے کام کر رہے ہیں، پاکستان اور بھارت کے درمیان پائیدار سیز فائر کے لیے اعتماد سازی کے اقدامات پر بھی کام کررہے ہیں۔

ٹرمپ انتظامیہ کی جانب سے بھارتی شہریوں پر زمین تنگ، ملک سے نکالنے کی دھمکی دے دی

ان کا کہنا تھا کہ برطانیہ نے پاکستان کے ساتھ مل کر انسداد دہشتگردی پر بھی کام جاری رکھا ہے۔

انہوں نے اپنے دو روزہ دورے کے اختتام پر اسلام آباد میں میڈیا سے بات کرتے ہوئے کہا کہ عالمی قوانین کی پاسداری کی بات آتی ہے تو فریقین پرمعاہدے کی پاسداری پر زوردیں گے۔ کوئی بھی ملک سندھ طاس معاہدہ یکطرفہ ختم نہیں کر سکتا۔