پنجاب کے وزیر صنعت و تجارت چوہدری شافع حسین نے کہا ہے کہ پاک فوج نے بھارت کی جارحیت کا منہ توڑ جواب دیا، قوم بھارت کے خلاف فتح پر فخر محسوس کر رہی ہے۔
لاہور سے جاری کیے گئے اپنے ایک بیان میں چوہدری شافع حسین نے کہا کہ بہادر سپاہیوں نے جرات اوربہادری کی نئی تاریخ رقم کی ہے جسے قوم ہمیشہ یاد رکھے گی۔انہوں نے کہا کہ پاکستانی عوام متحد اور افواج پاکستان کے ساتھ کھڑے ہیں۔
صوبائی وزیر نے ملک کے دفاع میں جانیں قربان کرنے والوں کو خراج تحسین پیش کیا۔ انہوںنے کہا کہ یہ ہماری فوج ہے جس نے دشمن کو خاک چاٹنے پر مجبور کیا اور پی اے ایف نے بھارت کے 6 لڑاکا طیاروں کو مار گرایا جس سے بزدل دشمن کو بڑا مالی نقصان پہنچا۔
چین اور پاکستان کے عوام بھارت کے خلاف فتح پر انتہائی خوش ہیں۔ انہوں نے مزید کہا کہ چین ہمارا قابل اعتماد دوست ہے جس نے ہمیشہ مشکل وقت میں پاکستان کا بھرپور ساتھ دیا۔
By 
