By ایچ بی ایل پی ایس ایل سیزن 10 کے 28 ویں میچ میں کوئٹہ گلیڈی ایٹرز نے سنسنی خیز مقابلے کے بعد ملتان سلطانز کو 2 وکٹوں سے ہرا دیا ۔
راولپنڈی کرکٹ اسٹیڈیم میں کھیلے گئے میچ میں کوئٹہ گلیڈی ایٹرز نے ملتان سلطانز کی جانب سے دیا گیا 186 رنز کا ہدف آخری گیند پر حاصل کر کے کامیابی اپنے نام کی ، کوئٹہ گلیڈی ایٹرز کی جانب سے حسن نواز نے 67 رنز کی ناقابل شکست اننگز کھیلی جبکہ خواجہ نافع 51 رنز کے ساتھ نمایاں بیٹر رہے۔
یہ بھی پڑھیں:سرباز خان نے 8 ہزار میٹر سے بلند تمام چوٹیاں بغیر مصنوعی آکسیجن سر کر کے تاریخ رقم کردی
ملتان سلطانز کی طرف سے شاہد عزیز نے 3 ، محمد حسنین، عبید شاہ اور پیٹر ہٹزوگلونے 1،1 وکٹ حاصل کی۔ قبل ازیں راولپنڈی میں ہونے والے میچ میں ملتان سلطانز نے کوئٹہ گلیڈی ایٹرزکے خلاف ٹاس جیت کر پہلے بیٹنگ کا فیصلہ کیا اور مقررہ 20 اوورز میں 7 وکٹوں کے نقصان پر 185 رنز بنائے۔
یہ بھی پڑھیں:جیمز ونس ٹی 20 کرکٹ میں 12000 رنز بنانے والے 9ویں کھلاڑی بن گئے
ملتان سلطانز کی جانب سے اننگز کا آغاز کپتان محمد رضوان اور یاسر خان نے کیا تاہم محمد رضوان 4 رنزبنا کر پویلین لوٹ گئے ، اوپنر یاسر خان 45 اور طیب طاہر 36 رنز کیساتھ نمایاں رہے۔ کوئٹہ گلیڈی ایٹرز کی جانب سےعثمان طارق نے تین، فہیم اشرف، خرم شہزاد، ابرار احمد اور محمد وسیم نے ایک ایک وکٹ حاصل کی۔
خیال رہے کہ کوئٹہ گلیڈی ایٹرز پہلے ہی پلے آف کے لیے کوالیفائی کرچکی ہے جبکہ ملتان سلطانز بھی پہلے ہی پلے آف کی دوڑ سے باہر ہوچکی تھی۔
