وزیراعظم نے بجلی کی بچت کیلئے عوام کو انرجی سیور پنکھے دینے کی منظوری دے دی

وزیراعظم شہباز شریف نے بجلی کی بچت کیلئے عوام کو انرجی سیور پنکھے دینے کی منظوری دے دی۔

نجی ٹی وی کے مطابق وفاقی حکومت نے آئندہ بجٹ میں عوام کو انرجی سیور پنکھے قسطوں پر دینے کی تیاری شروع کر دی ہے۔

عوام کو بجلی کم خرچ کرنے والے پنکھے اقساط پر دینے کا مقصد بجلی کی بچت ہے، وزیراعظم نے آسان اقساط پر عوام کو پنکھے دینے کی تجویز منظور کر لی ہے۔

وزیراعظم اور سپیکر کیخلاف تحریکِ عدم اعتماد لانے کا کوئی ارادہ نہیں ، بیرسٹر گوہر

حکومت کی جانب سے زیادہ بجلی استعمال کرنے والے پنکھوں کی تبدیلی کا قومی منصوبہ تیار کر لیا گیا ہے، پنکھے لگانے کیلئے منصوبے کا اعلان آئندہ مالی سال کے بجٹ میں کیا جائے گا۔

بجلی صارفین اس منصوبے کے تحت بینکوں کی مالی معاونت سے پنکھے لے سکیں گے، صارفین ان پنکھوں کی قیمت کی ادائیگی بجلی کے بلوں کے ذریعے اقساط میں ادا کریں گے۔