اوگرا نے سوئی ناردرن اور سوئی سدرن گیس کمپنیوں کیلئے گیس نرخوں میں ردو بدل کی منظوری دے دی

اوگرا نے سوئی ناردرن اور سوئی سدرن گیس کمپنیوں کیلئے  گیس نرخوں میں رد و بدل کی منظوری دے دی۔

آئل اینڈ گیس ریگولیٹری اتھارٹی نے حتمی منظوری کے لئے سمری وفاقی حکومت کو بھجوا دی ہے۔ اوگرا کی جانب سے جاری اعلامیہ کے مطابق دونوں گیس کمپنیوں کیلئے نرخوں میں ردو بدل کی سفارش مالی سال 2025-26ء کے ریونیو شارٹ فال کو مدنظر رکھ کر کی گئی ہے۔

حکومت کا متحدہ عرب امارات کے تین بینکوں سے ایک ارب ڈالر قرض لینے کا فیصلہ

سوئی سدرن کیلئے  گیس نرخوں میں 103 روپے 95 پیسے فی ایم ایم بی ٹی یو کی کمی جبکہ سوئی ناردرن کیلئے  نرخوں میں 116 روپے 90 پیسے اضافے کی سفارش کی گئی ہے۔

سرکاری خبر رساں ادارے کے مطابق اوگرا نے وفاقی حکومت کو کیٹیگری وائز گیس کی قیمتیں مقرر کرنے کی سفارش کی ہے اور قیمتوں کے حوالے سے حتمی نوٹیفکیشن وفاقی حکومت سے منظوری کے بعد جاری کیا جائے گا۔