بنگلہ دیش کے ساتھ ٹی20 سیریز کے لیے قومی سکواڈ کا اعلان

پاکستان کرکٹ بورڈ (پی سی بی) نے بنگلادیش کے خلاف مجوزہ تین میچوں پر مشتمل ٹی 20 سیریز کے لیے 16 رکنی قومی سکواڈ کا اعلان کر دیا۔

نئی سلیکشن کمیٹی کے مطابق آل راؤنڈر سلمان علی آغا کو ٹیم کی قیادت سونپی گئی ہے جبکہ شاداب خان نائب کپتان کی حیثیت سے سکواڈ کا حصہ ہوں گے، ٹیم میں نوجوان اور تجربہ کار کھلاڑیوں کا امتزاج رکھا گیا ہے تاکہ کارکردگی اور مستقبل کی تیاری میں توازن قائم رکھا جا سکے۔

یہ بھی پڑھیں : بھارت خطرناک بحری تیاریوں میں مصروف ہے ، عاصم افتخار احمد

اعلان کردہ قومی سکواڈ میں سلمان علی آغا (کپتان)، شاداب خان (نائب کپتان)، ابرار احمد، فہیم اشرف، فخر زمان، حارث رؤف، حسن علی، حسن نواز، حسین طلعت، محمد عرفان خان نیازی، خوشدل شاہ، محمد حارث (وکٹ کیپر)، محمد وسیم جونیئر، نسیم شاہ، صاحبزادہ فرحان (وکٹ کیپر) اور صائم ایوب شامل ہیں۔

پی سی بی کے مطابق اس سکواڈ میں کئی باصلاحیت نوجوان کھلاڑی شامل کیے گئے ہیں جنہیں اپنی صلاحیتوں کے اظہار کا بہترین موقع ملے گا، یہ سلیکشن آئندہ بین الاقوامی ایونٹس کی تیاری کے سلسلے کی کڑی ہے۔

واضح رہے کہ سیریز کی میزبانی پاکستان میں لاہور کے تاریخی قذافی سٹیڈیم میں ہوگی ، سیریز کے مکمل شیڈول اور دیگر تفصیلات کا اعلان جلد متوقع ہے۔