بلوچستان میں اسکول بس پر بمبار حملے کے پیچھے بھارت کا ہاتھ ہے، ایس ایف جے کا دعویٰ

بلوچستان میں اسکول بس پر بمبار حملے کے پیچھے بھارت کا ہاتھ ہے، ایس ایف جے نے مودی حکومت کو پاکستان میں بچوں کو نشانہ بنانے کا ذمہ دار ٹھہرا دیا۔

سکھس فار جسٹس (SFJ) نے اسکول کے معصوم بچوں کو ہلاک کرنے والے حملے کی شدید مذمت کرتے ہوئے اپنے پیغام میں کہا کہ : “بلوچستان میں پاکستان آرمی اسکول کی بس پر بے رحمانہ بمبار حملہ ہندوستان کی مودی حکومت کے تمام نشانات کو ظاہر کرتی ہے۔”

سکھ فار جسٹس  کے قانونی مشیر، گروپتون سنگھ پنن نے اعلان کیا کہ “انڈیا کا ریسرچ اینڈ اینالیسس ونگ (RAW) پاکستان بھر میں بین الاقوامی دہشت گردی کو آگے بڑھانے کے لیے علاقائی پراکسیز کو مسلح اور مالی امداد فراہم کر رہا ہے۔ اس حملے سے متعلق شواہد براہ راست اس “گندی جنگ ” کی طرف اشارہ کرتے ہیں جو مودی دہشت گردی کی خفیہ کارروائیوں کے ذریعے چھیڑ رہا ہے۔”

پنون نے مزید نکتہ اٹھاتے ہوئی کہا کہ
“اگر ہندوتوا کی دہشت گردی ایودھیا میں پیدا ہوئی اور ناگپور میں پروان چڑھی، تو کیا یہ بھارتی شہر پاکستان کی طرف سے حملے کے لیے” جائز اہداف ” قرار پاتے ہیں؟ ایودھیا اب صرف ایک مندر کا منصوبہ نہیں ہے – یہ بنیاد پرست ہندوتوا نظریے کی افزائش گاہ ہے جو ہندوستان کی سرحدوں سے باہر تشدد اور دہشت گردی کو برآمد کرتا ہے۔”

پاکستان کی خودمختاری اور دفاع کے لیے اپنی غیر متزلزل حمایت پر زور دیتے ہوئے پنون نے مزید کہا
“ہم پاک فوج کے ساتھ کھڑے ہیں اور اعلان کرتے ہیں کہ ہم ہندوستانی افواج کو پاکستان کے خلاف جنگ چھیڑنے کے لیے پنجاب کو لانچ پیڈ کے طور پر استعمال کرنے کی اجازت نہیں دیں گے۔”

ایس ایف جے نے متاثرین کے ساتھ بھی یکجہتی کا اظہار کیا
“ہم اس بزدلانہ حملے میں ہلاک ہونے والے اسکول کے بچوں کے خاندانوں کے دکھ میں شریک ہیں اور ان کے ساتھ غمزدہ ہیں۔ پاکستان میں کوئی بچہ مودی کے ہندوتوا دہشت گردی کے جنون کا شکار نہیں ہونا چاہیے۔”