آئندہ مالی سال کے بجٹ میں عوام پر کوئی نیا ٹیکس نہیں لگایا جا رہا ہے: وزیر مملکت برائے قومی ورثہ حذیفہ رحمان

مالی سال 26-2025 کے لیے وفاقی بجٹ 2 جون کو پیش کیا جائے گا اس بجٹ میں عوام پر کوئی نیا ٹیکس لگے گا یا نہیں اس حوالے سے وزیر مملکت حذیفہ رحمن نے کہا ہے کہ بجٹ میں عوام پر کوئی نیا ٹیکس نہیں لگایا جائیگا۔

تفصیلات کے مطابق سالی سال 2025-26 کے لیے وفاقی بجٹ 2 جون کو پیش کیا جائیگا نئے ٹیکسز کے حوالے سے وزیر مملکت برائے قومی ورثہ حذیفہ رحمان نے غربت کی چکی میں پستی پاکستانی عوام کو خوشخبری دی ہے کہ آئندہ مالی سال کے بجٹ میں عوام پر کوئی نیا ٹیکس نہیں لگایا جا رہا ہے۔

حذیفہ رحمان نے کہا کہ بجٹ میں ڈیفنس یا جنگ سے متعلق کوئی مخصوص ٹیکس نہیں لگ رہا ہے، ڈیفنس بجٹ سے متعلق زیادہ مبالغہ آرائی نہیں ہونی چاہیے۔

ان کا کہنا تھا کہ فوج نے بھارتی جارحیت کے جواب میں بہترین کارکردگی دکھائی، حکومت دفاعی ضروریات سے آگاہ ہے، سوال حکومت کی ذمہ داری ہے کہ فوج کو بجٹ، ٹیکنالوجی اور دیگر وسائل فراہم کرے۔