پاکستانی میڈیا نےدنیا کو یہ پیغام دیا کہ ہم ہمیشہ سچ بولتے ہیں :فیلڈ مارشل سید عاصم منیر

فیلڈ مارشل سید عاصم منیر نے پاکستانی میڈیا کی ایک بار پھر تعریف کرتے ہوئے کہا ہے کہ میڈیا ہمارے لئے فخر کا باعث ہے۔

 ایوان صدر میں سینئر صحافیوں سے ملاقات کے دوران انہوں نے میڈیا کے کردار کو سراہا اور کہا کہ میڈیا نے دنیا کو یہ پیغام دیا کہ ہم ہمیشہ سچ بولتے ہیں۔ فیلڈ مارشل عاصم منیر نے کہا کہ ہم نے ثابت کیا ہم مادر وطن کا دفاع کرنا جانتے ہیں۔

یہ بھی پڑھیں:صدر مملکت اور وزیراعظم نے جنرل سید عاصم منیر کو ’’بیٹن آف فیلڈ مارشل‘‘ کے اعزاز سے نواز دیا

انہوں نے مزید کہا کہ میڈیا پاکستان کا ستون ہے اور انہوں نے ہمارے ساتھ مل کر مختلف جنگوں میں حصہ لیا۔یاد رہے کہ فیلڈ مارشل عاصم منیر کو ’’بیٹن آف فیلڈ مارشل‘‘ کے اعزاز سے نوازا گیا، جس کی تقریب ایوان صدر اسلام آباد میں ہوئی۔

یہ بھی پڑھیں:فیلڈ مارشل سید عاصم منیر کے اعزاز میں خصوصی گارڈ آف آنر کی تقریب کا انعقاد

اس موقع پر صدر آصف علی زرداری، وزیراعظم میاں محمد شہباز شریف سمیت سول و عسکری حکام اور غیر ملکی سفارت کاروں نے شرکت کی۔