سینیٹ ڈاک خانہ بن چکا ، بل آتے ہی فوراً پاس ہو جاتے ہیں،پی ٹی آئی سینیٹر شبلی فراز

پاکستان تحریک انصاف (پی ٹی آئی) کے سینیٹر شبلی فراز کا کہنا ہے کہ سینیٹ ڈاک خانہ بن چکا ہے، بل آتے ہی فوراًپاس ہو جاتے ہیں۔

نجی ٹی وی کے مطابق شبلی فراز کاکہناتھا کہ سینیٹ غیرمتعلقہ ہو چکی، حکومت کااحتساب وقت کی اہم ترین ضرور ت ہے، حکومت نے خزانہ کمیٹی اپنے پاس اس لئے رکھی ہوئی ہے کہ احتساب ہی نہ ہو۔

یہ بھی پڑھیں:عمران خان نے کہا ہے کہ پاکستان میری جان سے بھی قیمتی ہے ، شبلی فراز

ان کا کہنا تھا کہ ایوان کی کارروائی مذاق بن چکی، بغیربحث بل پاس ہو نا معمول بن چکا ہے ، بل آ جاتے ہیں کہ پاس کردیں کیا ہم کوئی نکاح خواں ہیں؟ہمارا نہیں 25کروڑ عوام کا سوچیں، آپ ملک کو کس سمت کی طرف لے کر جارہے ہیں۔