وفاقی تعلیمی اداروں میں 5 جون سے یکم اگست تک موسم گرما کی تعطیلات کا اعلان

وفاقی تعلیمی اداروں میں موسم گرما کی تعطیلات کا اعلان کردیا گیا۔

نوٹیفکیشن کے مطابق اسلام آباد کے تعلیمی اداروں میں 5 جون سے یکم اگست تک موسم گرما کی چھٹیاں ہونگی جبکہ تمام تعلیمی ادارے 4 اگست 2025 بروز پیر سے دوبارہ کھل جائیں گے۔

یہ بھی پڑھیں:میانوالی میں سی ٹی ڈی اور دہشتگردوں میں فائرنگ کا تبادلہ، 3 دہشتگرد ہلاک، 6 فرار

نوٹیفکیشن میں کہا گیا ہے کہ 26 مئی سے موسم گرما کی تعطیلات کے آغاز تک سکول کے اوقات کار بھی تبدیل کر دئیے گئے ہیں ، سنگل شفٹ سکولز 7:30 سے 12:30 تک کھلیں رہیں گے جبکہ ڈبل شفٹ سکولز کو شام کے اوقات میں کام کرنے کی ہدایت کی گئی ہے۔

نوٹیفکیشن کے مطابق بی ایس و اے ڈی پی طلبہ کی کلاسز شیڈول کے مطابق جاری رہیں گی، لائبریریز اور آئی ٹی لیبز گرمیوں کی چھٹیوں میں بھی کھلی رہیں گی۔ اس سے قبل محکمہ تعلیم سندھ نے بھی یکم جون سے 31جولائی تک گرمیوں کی چھٹیوں کا اعلان کیا تھا ۔

یہ بھی پڑھیں:سینیٹ ڈاک خانہ بن چکا ، بل آتے ہی فوراً پاس ہو جاتے ہیں،پی ٹی آئی سینیٹر شبلی فراز

موسم گرما کی تعطیلات کا اطلاق تمام نجی اورسرکاری تعلیمی اداروں پر لاگو ہوگا جبکہ یکم جون سے 31جولائی تک سکول وکالجز بند رہیں گے۔ حکومت پنجاب نے سکولوں میں موسم گرما کی چھٹیوں کا اعلان کیا تھا۔

محکمہ سکول ایجوکیشن پنجاب کی جانب سے جاری نوٹیفکیشن کے مطابق آفٹرنون سکولز میں کل سے جبکہ دیگر سکولز میں 28 مئی سے موسم گرما کی تعطیلات ہوں گی ۔ پنجاب بھر کے تمام سکولز 15اگست سے دوبارہ کھلیں گے۔

یہ بھی پڑھیں:خضدار ، سکول بس پر فتنۃ الہندوستان کے حملے میں شہید طلبہ کی تعداد 6 ہوگئی

خیبرپختونخوا میں بھی محکمہ ابتدائی و ثانوی تعلیم نے موسم گرما کیلئےسکول کی تعطیلات کا اعلان کیا ہے، اعلامیے میں کہا گیا ہے کہ گرمیوں کی چھٹیاں15جون سے 31اگست تک ہوں گی جبکہ صوبے کے بالائی اضلاع میں موسم گرما کی تعطیلات یکم جولائی سے 31جولائی تک ہوگی۔