بلوچستان میں بھارتی پراکسیز کی سہولت کاری بے نقاب

فتنہ الہندوستان  بلوچستان میں  کالعدم تنظیموں کے دہشتگردوں کی سرپرست اعلیٰ نکلی، بلوچستان میں بھارتی پراکسیز کی  سہولت کاری  ایک مرتبہ پھر بے نقاب ہوگئی ہے۔

سیکورٹی ذرائع کے مطابق  بلوچستان میں بھارتی اسپانسرڈ پراکسیز کی معاونت سے دہشتگرد کارروائیاں ایک بار پھر بے نقاب ہو گئی ہیں، بھارتی خفیہ ایجنسیاں پراکسیز  کو مالی معاونت فراہم کر تی ہیں۔

سیکورٹی ذرائع کا کہنا ہے کہ معرکہ حق ” آپریشن بنیان مرصوص” میں تاریخی شکست کے بعد مودی سرکار بوکھلاہٹ کا شکار  ہو چکی ہے۔   بھارتی سپانسرڈ  پراکسیز نہ صرف حملوں کی منصوبہ بندی کرتی ہیں بلکہ  کالعدم تنظیموںکو تربیت اور اسلحہ بھی فراہم کرتی ہیں۔  بھارتی سپانسرڈ پراکسیز  کے کالعدم تنظیموں  کے علاج معالجے کے ساتھ ساتھ سرکاری روابط بھی قائم ہیں۔

بھارتی حکومت  کے ساتھ ساتھ  بھارتی میڈیا بھی دہشتگردوں کی پشت پناہی میں پیش پیش ہے اور پاکستان میں دہشتگردانہ حملوں کی  خبر سب سے پہلے بھارتی میڈیا دیتا ہے۔ ذرائع کے مطابق دہشتگردانہ حملے کی خبر بھارتی ذرائع ابلاغ کے اکاؤنٹس سے جاری ہوتی ہے جسے بھارتی میڈیا پروپیگنڈے کے طور پر استعمال کرتا ہے۔

یہ بھی پڑھیں: خیبر پختونخوا میں 2500 طلبا کی ڈی جی آئی ایس پی آر کے ساتھ خصوصی نشست، طلبا کے ’پاکستان ہمیشہ زندہ باد ‘ کے فلک شگاف نعرے

بھارتی چینلز کے اینکرز حکومت کو مشورہ دے رہے ہیں کہ کالعدم تنظیموں کا دفتر دہلی میں ہونا چاہیے۔ بھارتی چینلز حکومت سے مطالبہ کیا جارہا ہے کہ ان کالعدم تنظیموں کو سرکاری سطح پر معاونت فراہم  کرے تاکہ  پاکستان  کی علاقائی سالمیت  اور داخلی خودمختاری کو نقصان پہنچایا جا سکیں۔

سیکورٹی ذرائع کا کہنا ہے کہ جنگی جنون میں مبتلا مودی سرکار اور بھارتی فوج  نے خطے  کے امن کو خطرے میں ڈال دیا ۔

دفاعی ماہرین کے مطابق  فتنہ الہندوستان   کا یہ رویہ نہ صرف علاقائی سلامتی کے لیے خطرہ ہے بلکہ انسانی حقوق کی بھی سنگین خلاف ورزی ہے۔  بین الاقوامی برادری ، فتنہ الہندوستان   کی ریاستی دہشت گردی کا سختی سے  نوٹس لے ۔

یہ بھی پڑھیں: بلوچستان میں سیکورٹی فورسز کی کاروائیاں، بھارتی پراکسی’’بی ایل اے‘‘ کے تین دہشتگرد ہلاک