بھارت کے وزیر دفاع راج ناتھ سنگھ نے منگل کو جدید لڑاکا طیاروں کا پروٹو ٹائپ تیار کرنے کے پروگرام کی منظوری دے دی ہے، جو مقامی سطح پر اسلحے کی پیداوار کو بڑھانے کی تازہ ترین کوشش ہے۔
وزارت دفاع نے ایک بیان میں کہا کہ وزیر دفاع راج ناتھ سنگھ نے ففتھ جنریشن کے ایڈوانسڈ میڈیم کمبیٹ ایئرکرافٹ (اے ایم سی اے) کے پروٹو ٹائپ کی منظوری دے دی ہے۔
بیان میں مزید کہا گیا ہے کہ بھارت کی ایروناٹیکل ڈیولپمنٹ ایجنسی (اے ڈی اے) جو وزارت دفاع کے تحت ہوائی جہاز کے ڈیزائن کے لیے ذمہ دار سرکاری ایجنسی ہے، صنعتی شراکت داری کے ذریعے اس پروگرام کو عملی جامہ پہنانے کے لیے تیار ہے۔
بھارتی تجزیہ کاروں کا کہنا ہے کہ یہ ایک اہم قدم ہے جو ایرو اسپیس سیکٹر میں خود انحصاری کی سمت میں ایک اہم سنگ میل ثابت ہوگا۔
By 
