ایشین ایتھلیٹکس چیمپین شپ، ارشد ندیم نے جیولن تھرو فائنل کیلئے کوالیفائی کرلیا

پاکستان کے عالمی شہرت یافتہ ارشد ندیم نے ایشین ایتھلیٹکس چیمپین شپ کے جیولن تھرو فائنل کے لیے کوالیفائی کرلیا۔

جنوبی کوریا میں جاری ایشین ایتھلیٹکس کے جیولن تھرو کوالیفائنگ راؤنڈ کے گروپ اے میں پاکستان کے ارشد ندیم نے پہلی باری میں 86.34 میٹر کی تھرو کی۔

اس تھرو کے ساتھ ہی ارشد ندیم نے فائنل میں جگہ بنانے میں کامیاب ہوئے جبکہ بھارتی کھلاڑی یش نے پہلی باری میں 76.67 میٹر کی تھرو کی۔

ارشد کی تھرو نہ صرف تکنیکی لحاظ سے مضبوط تھی بلکہ ان کے اعتماد اور فٹنس کا بھی بھرپور اظہار تھی۔

ارشد ندیم کے بعد پاکستان کے یاسر سلطان نے بھی فائنل میں جگہ بنالی ہے ، یاسر سلطان نے پہلی ہی باری میں 76.07 میٹر کی تھرو کرکے فائنل میں جگہ بنائی۔

یہ بھی پڑھیں : پاکستان میڈیکل ایسوسی ایشن کی شہریوں کو گرمی سے بچاؤ کے لیے احتیاطی تدابیر

ایشین ایتھلیٹکس چیمپین شپ میں جیولن تھرو کا فائنل کل کھیلا جائے گا۔

یاد رہے کہ ارشد ندیم نے پیرس اولمپکس 2024 میں جیولن تھرو مقابلے میں 92.97 میٹر کی تاریخی تھرو کے ساتھ نہ صرف گولڈ میڈل جیتا بلکہ نیا اولمپک ریکارڈ بھی قائم کیا تھا۔

یہ فاصلہ ان کے کیریئر کی بہترین کارکردگی تھا، جس نے انہیں عالمی سطح پر نئی پہچان دی ، ارشد ندیم کی ایشین ایتھلیٹکس چیمپئن شپ میں شاندار واپسی پاکستان کے لیے نہایت خوش آئند ہے۔