پاکستان اسٹاک ایکسچینج میں تیزی، 100 انڈیکس میں 1لاکھ 19 ہزار کی حد عبور

پاکستان اسٹاک ایکسچینج میں کاروباری ہفتے کے آخری روز مثبت رجحان دیکھا گیا۔ جمعہ کو کاروبار کا آغاز تیزی کے ساتھ ہوا اور 100 انڈیکس میں 283 پوائنٹس کا اضافہ ریکارڈ کیا گیا، جس کے بعد انڈیکس 1 لاکھ 19 ہزار 255 پوائنٹس کی سطح پر پہنچ گیا۔

گزشتہ روز بھی اسٹاک مارکیٹ میں بہتری دیکھنے کو ملی تھی، جب کاروبار کے اختتام پر انڈیکس 1 لاکھ 18 ہزار 972 پوائنٹس پر بند ہوا تھا۔ لگاتار دو روز کی تیزی سرمایہ کاروں کے اعتماد کی عکاسی کرتی ہے، جو معیشت کے بارے میں مثبت توقعات ظاہر کرتی ہے۔

یہ بھی پڑھیں:یکم جون سے پیٹرولیم مصنوعات کی قیمتوں میں معمولی ردوبدل کا امکان

دوسری جانب انٹر بینک مارکیٹ میں روپے کے مقابلے میں ڈالر کی قیمت میں معمولی کمی ہوئی۔ ڈالر 7 پیسے سستا ہو کر 282 روپے پر آ گیا۔ ماہرین کے مطابق روپے کی قدر میں یہ معمولی بہتری درآمدی دباؤ میں کچھ کمی لا سکتی ہے اور زرمبادلہ کے ذخائر پر مثبت اثر ڈال سکتی ہے۔