مودی طیارے تباہ ہونے کی حقیقت عوام سے کیوں چھپا رہے ہیں؟ بھارتی رہنماؤں کی وزیر اعظم پرکڑی تنقید

بھارتی رہنماؤں نے نریندر مودی کی نااہل اور ناقص پالیسیوں پر سخت تنقید شروع کر دی ،شفافیت کی کمی اور جھوٹے بیانیوں کا ڈھونگ مودی کی پرانی روایت ہے۔

تلنگانہ کے وزیراعلیٰ ریونیت ریڈی کا مودی سرکار پر تنقید کرتے ہوئے کہنا تھا کہ مودی سے سوال ہے کہ پاکستان نے حالیہ پاک بھارت جنگ میں کتنے رافیل طیارے مار گرائے ۔

یہ بھی پڑھیں:خواجہ آصف کی بھارتی وزیرِ اعظم نریندر مودی پرشدید تنقید، جاہل شخص قرار دے دیا

وزیراعظم مودی طیارے تباہ ہونے کی حقیقت عوام سے کیوں چھپا رہے ہیں ؟ مودی سرکار پاکستا ن سے حالیہ جھڑپ میں بھارت کی ناکامی کو چھپانے کے لیے مختلف ہتھکنڈے استعمال کر رہی ہے ۔

یہ بھی پڑھیں:ہماچل پردیش میں فوجی بس پر حملہ چھپانے کی کوشش، مودی سرکار نے گودی میڈیا کے ساتھ مل کر حقائق دبا دیے

مودی کی جانب سے طیاروں کی تباہی پر خاموشی اس بات کی دلیل ہے کہ مودی سرکار اپنی نااہلی کو چھپانا چاہتی ہے، ریونت ریڈی نے مودی کی پالیسیوں کو نشانہ بناتے ہوئے کہنا تھا کہ چار دن کی فوجی کارروائی کے بعد کیا ہوا؟ مودی حکومت نے آپریشن آدھے راستے میں ہی روک دیا ۔

یہ بھی پڑھیں:پہلگام واقعے پر مودی حکومت کو سخت تنقید کا سامنا

جنگ بندی کا اعلان کرنے سے پہلے مودی نے تمام جماعتوں کی رائے کیوں نہیں لی؟ ریونت ریڈی نے مزید کہا کہ مودی مؤثر جنگی حکمت عملی اختیار کرنے میں ناکام رہا، ٹرمپ کے دباؤ میں آکر مودی سرکار کے پاس جنگ بندی کے علاوہ کوئی چارہ نہ تھا ۔