پاک فوج کے اعلی عسکری حکام کی مختلف شہروں میں اساتذہ و طلبا کے ساتھ اہم نشستیں

پاک فوج کے اعلیٰ عسکری حکام نے مختلف شہروں میں تعلیمی اداروں کے اساتذہ و طلبا سے اہم نشستوں کا انعقاد کیا۔

ان نشستوں میں کور کمانڈرز نے زور دیا کہ تعلیم کے بغیر ترقی کا سفر جاری نہیں رہ سکتا۔ انہوں نے طلبا اور طالبات کو ملک میں امن و امان اور ترقیاتی منصوبوں میں پاک فوج اور فرنٹیئر کور کے کردار سے آگاہ کیا۔

کور کمانڈرز نے طلبا و طالبات پر زور دیا کہ وہ جدید ٹیکنالوجی اور سوشل میڈیا کا مثبت استعمال کریں اور پاکستان کے روشن مستقبل کیلئے اپنا مثبت کردار ادا کریں۔

انہوں نے کہا کہ طلبا پاکستان کا روشن مستقبل ہیں، اور ان پر یہ بھی زور دیا کہ وہ عالمی سطح پر پاکستان کے تشخص کو اجاگر کرنے کیلئے سرگرم کردار ادا کریں۔

مزید برآں، کور کمانڈرز نے طلبا کو سوشل میڈیا پر پھیلنے والی افواہوں اور منفی خبروں کا تدارک کرنے کی ضرورت پر بھی زور دیا۔

یہ بھی پڑھیں: سکیورٹی فورسز کے خلاف بے بنیاد اور گمراہ کن الزامات منظم اور گمراہ کن مہم کا حصہ ہیں، آئی ایس پی آر