ہنڈائی کی مشہور گاڑیوں پر فریٹ چارجزمیں15 ہزار روپے کا اضافہ کر دیاگیا

ہنڈائی نشاط موٹرز پرائیویٹ لمیٹڈ نے اپنی گاڑیوں کے فریٹ چارجز میں 15ہزارروپے اضافے کا اعلان کر دیا ہے۔

کمپنی کی جانب سے جاری کردہ سرکاری سرکلر کے مطابق نیا فریٹ اسٹرکچر یکم جون 2025 سے نافذ العمل ہوگا اور ان تمام گاڑیوں پر لاگو ہوگا جن کی انوائس کی تاریخ اس دن یا اس کے بعد کی ہو گی۔

یہ بھی پڑھیں:بجٹ 2025-26، تنخواہ دار طبقے کو ریلیف اور سرکاری ملازمین کو خوشخبری ملنے کا امکان

نئے نرخوں کے مطابق ہنڈائی کے مشہور ماڈلز جیسے پورٹر، ایلانٹرا ہائبرڈ، ٹوسان ہائبرڈ، سونٹا اور سانتا فی ہائبرڈ شامل ہیں پر اضافی 15 ہزار روپے فریٹ چارج وصول کیا جائے گا۔

یہ بھی پڑھیں:اوپیک پلس ممالک کا جولائی میں تیل کی پیداوار میں زبردست اضافے کا اعلان

کمپنی کا کہنا ہے کہ یہ فیصلہ بڑھتی ہوئی ترسیلی لاگت کو مدنظر رکھتے ہوئے کیا گیا ہے تاکہ ملک بھر میں صارفین کو بروقت اور معیاری سروس فراہم کی جا سکے۔ ہنڈائی نے اپنے تمام ڈیلرز اور سیلز ٹیمز کو ہدایت دی ہے کہ وہ فوری طور پر اپنے سسٹمز اور ورک فلو کو اپ ڈیٹ کریں۔

یہ بھی پڑھیں:پاکستان کو زرعی اصلاحات کے لیے مدد مل گئی

مزید برآں، سیلز عملے کو کہا گیا ہے کہ وہ کسی بھی وضاحت یا رہنمائی کیلئے متعلقہ ایریا سیلز منیجرز سے رابطے میں رہیں۔