پنجاب پولیس نے ڈیرہ غازی خان میں کامیاب آپریشن اور فائرنگ کے تبادلے میں 4 خوارجی دہشت گردوں کو جہنم واصل کر دیا۔
عسکریت پسندوں کی سرگرمیوں کے بارے میں خفیہ اطلاع پر کارروائی کرتے ہوئے پولیس نے علاقے میں چھاپہ مارا جہاں مشتبہ افراد نے بھاری ہتھیاروں سے فائرنگ کی۔ پولیس ترجمان کے مطابق عسکریت پسند جن کی شناخت خوارج گروپ کے ارکان کے طور پر ہوئی ہے، مقامی آبادی میں خوف اور بدامنی پھیلانے میں ملوث تھے۔
پولیس ٹیموں نے جوابی فائرنگ کرتے ہوئے چار دہشت گردوں کو موقع پر ہلاک کر دیا۔بندوق کی لڑائی نے جھاڑیوں اور ریت کے ٹیلوں کے پیچھے چھپ کر دوسرے عسکریت پسندوں کو بھاگنے پر مجبور کیا۔ جائے وقوعہ سے اسلحہ اور دھماکہ خیز مواد برآمد ہوا ہے۔باقی ملزمان کی تلاش کے لیے سرچ اینڈ سویپ آپریشن جاری ہے۔
پولیس ترجمان نے کہا کہ قانون نافذ کرنے والے ادارے تمام شرپسندوں کو انصاف کے کٹہرے میں لانے اور خطے میں امن کو یقینی بنانے کیلئے پُرعزم ہیں۔ ذر ائع نے مزید کہا کہ ’’امن کو خراب کرنے کی کوشش کرنیوالوں کا یہی انجام ہوگا۔
ترجمان پنجاب پولیس نے کہا کہ آر پی او ڈیرہ غازی خان کیپٹن (ر) سجاد حسن خان کی زیر نگرانی ڈی پی او سید علی کی قیادت میں پنجاب پولیس کی ٹیمیں مسلسل فیلڈ میں موجود رہیں۔
ترجمان کے مطابق آئی جی پنجاب ڈاکٹر عثمان انور نے چار خوارجی دہشت گردوں کو ہلاک کرنے پر ڈیرہ غازی خان پولیس کو شاباش دی اور کہا کہ پنجاب پولیس خوارجی دہشت گردوں کے خلاف سیسہ پلائی دیوار ہے۔ آئی جی پنجاب ڈاکٹر عثمان انور نے کہا کہ ملک دشمن عناصر کو کبھی ان کے ناپاک عزائم میں کامیاب نہیں ہونے دیں گے۔
By 
