آئی سی سی ویمنز ورلڈ کپ کے شیڈول کا اعلان، پاکستان اپنے میچ بھارت میں نہیں کھیلے گا

آئی سی سی ویمن کرکٹ کے میگا ایونٹ کے شیڈول کا اعلان کردیا گیا۔

ویمنز کرکٹ ورلڈ کپ 30 ستمبر سے 2 نومبر کے دوران بھارت اور سری لنکا کے 5 وینیوز پر کھیلا جائے گا۔

ویمنز ورلڈ کپ کے میچز بنگلورو، اندور، گوہاٹی، وشاکھا پٹنم اور کولمبو میں ہوں گے، پہلا سیمی فائنل 29 اکتوبر کو گوہاٹی یا کولمبو میں کھیلا جائے گا۔

جنوبی افریقہ کے ہینرک کلاسن نے انٹرنیشنل کرکٹ کو خیرباد کہہ دیا

میگا ایونٹ کا دوسرا سیمی فائنل 30 اکتوبر کو بنگلورو میں ہوگا جبکہ فائنل 2 نومبر کو بنگلورو یا کولمبو میں ہوگا،آئی سی سی ویمنز کرکٹ ورلڈ کپ میں 8 ٹیمیں مدمقابل ہوں گی۔

پاکستانی ٹیم بھارت میں میچ نہیں کھیلے گی، قومی ٹیم کے میچز سری لنکا میں ہوں گے، گرین شرٹس کے سیمی فائنل میں پہنچنے پر میچ کولمبو میں ہوگا۔