70 سال سے کم عمر کے زیادہ پنشن لینے والے افراد پر ٹیکس کی تجویز

وفاقی وزیرخزانہ محمد اورنگزیب نے کہا ہے کہ 70 سال سے کم عمرکے زیادہ پنشن لینے والے افراد پر ٹیکس کی تجویز ہے۔

قومی اسمبلی میں بجٹ تقریر میں وزیرخزانہ نے کہا کہ سالانہ ایک کروڑ روپے سے زائد پنشن وصولی پر 5 فیصد ٹیکس عائد کرنے کا فیصلہ کیا گیا ہے۔

بجٹ میں کم آمدن طبقے کو گھر خریدنے یا تعمیر کیلئے سستے قرضوں کا وعدہ

وزیرخزانہ نے کہا کہ کم اور درمیانی پنشن وصول کرنے والوں پر ٹیکس عائد نہیں ہوگا،ریٹائرڈ ملازمین کی پنشن میں 7 فیصد اضافہ تجویز کیا گیا ہے۔

وفاقی وزیر خزانہ نے بتایا کہ پچھلی کچھ دہائیوں میں پنشن اسکیم میں ایگزیکٹو آڈرز کے ذریعے تبدیلیاں کی گئیں جس کی وجہ سے سرکاری خزانے پر بوجھ بڑھا، پنشن اسکیم کو درست کرنے اور سرکاری خزانے پر بوجھ کو کم کرنے کے لیے حکومت نے پنشن اسکیم میں اصلاحات کی ہیں۔