مودی سرکار پر جنگی جنون طاری، بڑے ہتھیاروں کی خریداری کی تجویز منظور

بھارت میں مودی سرکار پر جنگی جنون طاری ہو گیا، بڑے اور خطرناک ہتھیاروں سمیت نئے دفاعی نظام کی خریداری کی منظوری دےدی ہے۔

یہ بھی پڑھیں:پاکستان کی فوج اتنی مضبوط ہے کہ نیوکلیئر وار تک بات جائے گی ہی نہیں، بھارتی دفاعی تجزیہ نگار پراوین سواہنے کا اعتراف

پاکستان کے ہاتھوں شکست کے بعد بھارتی وزارت دفاع نے 30 ہزار کروڑ روپے مالیت کے دفاعی نظام کی خریداری کی تجویز منظوری کے لیے پیش کردی ہے۔ بھارتی فوج کے لیے کوئیک ری ایکشن سرفیس ٹو ائیر میزائیل سسٹم کی خریداری کی منظوری لی جائے گی۔

یہ بھی پڑھیں:بھارت کے جنگی جنون کیخلاف پاکستان متحد، بھارت نے اگر حملہ کیا تو ہماری فوج مکمل تیار ہے ہم کڑا جواب دیں گے، نامور شخصیات کا پیغام

بھارتی نیوز ایجنسی اے این آئی نیوز کی رپورٹ کے مطابق اس دفاعی نظام کی مالیت تقریباً 30 ہزار کروڑ روپے ہے‘۔ یہ فیصلہ بھارتی فوج کی فضائی دفاعی صلاحیتوں کو مزید مضبوط بنانے کے لیے لیا گیا ہے۔

دفاعی نظام ’کیو آر ایس اے ایم‘ کی رینج 30 کلومیٹر تک ہے، یہ نظام موبائل ہے اور 360 ڈگری ریڈار کوریج فراہم کرتا ہے۔

مزید پڑھیں:بھارتی دفاعی تجزیہ کار پروین ساہنی نے ہندوستانی دفاعی مشقوں کو’’مذاق‘‘ قرار دیدیا

اے این آئی نیوز کے مطابق یہ جدید نظام ڈی آر ڈی او، بی ای ایل اور بی ڈی ایل کی مشترکہ کاؤشوں کا نتیجہ ہے، دفاعی نظام ’کیو آر ایس اے ایم‘ ڈرونز، ایئرکرافٹ اور کروز میزائلز کے خلاف 24 گھنٹے آپریشنل رہ سکتا ہے۔

 دفاعی نظام کے حصول کی منظوری ثابت کرتی ہے کہ بھارتی حکومت جنگی جنون میں مبتلا ہے، آپریشن سندور میں ناکامی کے بعد بھارت کی بڑے پیمانے پر اسلحے کی خریداری خطے کے امن کیلئے بڑاخطرہ ہے۔

حکومت پاکستان اس بات کو واضع کر چکی ہے کہ بھارت نے جارحیت کی تو پاکستان اپنے دفاع میں بھر پور جوابی وار کرے گا۔