ایران نے مسلح افواج کے سربراہ اور پاسداران انقلاب کے نئے چیف کا اعلان کردیا۔
ایرانی میڈیا کے مطابق ایرانی سپریم لیڈر آیت اللہ خامنہ ای نے جنرل حبیب اللہ سیاری کو عارضی طورپر ملکی مسلح افواج کا نیا کمانڈر مقرر کردیا ہے۔ رپورٹ کے مطابق سپریم لیڈرکےحکم پرجنرل احمد واحدی کو پاسداران انقلاب گارڈز کا نیا کمانڈر انچیف لگا دیا گیا ہے۔
واضح رہے کہ ایرانی مسلح افواج کے سربراہ جنرل باقری اور پاسداران انقلاب کے سربراہ میجر جنرل حسین سلامی آج صبح اسرائیلی حملے میں شہید ہوگئے تھے۔ ایران کی مسلح افواج کے چیف آف اسٹاف محمد باقری جمعے کو دارالحکومت سمیت مختلف شہروں پر اسرائیلی حملوں میں مارے گئے، یہ بات سرکاری ٹیلی ویژن نے رپورٹ کی۔ نشریاتی ادارے نے کہا، ’’مسلح افواج کے چیف آف اسٹاف میجر جنرل محمد باقری شہید ہو گئے‘‘۔
سرکاری میڈیا کے مطابق الگ الگ اسرائیلی حملوں میں شہیدہو نیوالے دیگر ایرانی اہلکار میں اسلامی انقلابی گارڈز کور (IRGC) کے چیف کمانڈر میجر جنرل حسین سلامی بھی شامل ہیں۔ اسرائیلی حملوں میں ایٹمی سائنسدانوں کی بھی جانیں گئیں۔وہ ہیں جوہری سائنسدان محمد مہدی تہرانچی جو اسلامی آزاد یونیورسٹی کے صدر بھی تھے ۔
احمد رضا زلفغری، شاہد بہشتی یونیورسٹی میں جوہری انجینئرنگ کے پروفیسر، فریدون عباسی، جوہری سائنسدان اور ایران کی جوہری توانائی تنظیم کے سابق سربراہ، اور خاتم الانبیاء کے کمانڈر جنرل رعد الانبیاء کے سربراہ ہیں۔
By 
