By امریکی صدر ڈونلڈ ٹرمپ نے کہا کہ فیلڈ مارشل سید عاصم منیر سے ملاقات کرنا میرے لیے اعزاز کی بات ہے ، ٹرمپ کے اس بیان پر بھارتی تلملا اٹھے ۔
سوشل میڈٰیا پر جاری ایک پروگرام میں اس ملاقات بارے بات کرتے بھارتی تجزیہ کار کاکہنا تھا کہ اگر فیلڈمارشل یہ کہے کہ امریکا کے صدر سے ملاقات ان کے لیے اعزاز ہے تو سمجھ میں آتا ہے لیکن ان کے لیے یہ الفاظ سوچ اور گمان سے بالاتر ہیں کہ امریکا جو دنیا کی سپرپاور ہے وہ کہتا ہے کہ عاصم منیر سے ملاقات اس کے لیے اعزاز کی بات ہے یہ بہت بڑی بات ہے ۔
بھارتی تجزیہ کار نے کہاکہ اس ملاقات میں بہت سی باتیں چلیں بعدازاں ٹرمپ نے میڈیا سے گفتگو کرتے ہوئے کہا کہ عاصم منیر سے ملاقات میرے لیے اعزاز ہے، شکریہ کہ وہ مزید جنگ کی طرف نہیں گئے ، میں نے جنگ بندی پر شکریہ کیلیے عاصم منیر کو مدعو کیا تھا۔
یہ بھی پڑھیں :فیلڈ مارشل عاصم منیر کا شکریہ کہ وہ جنگ کی جانب نہیں گئے: امریکی صدر ڈونلڈ ٹرمپ
بھارتی تجزیہ کار نے کہاکہ فیلڈ مارش کے واپس آنے کے بعد حکومت پاکستان نے 2026 کے نوبل امن انعام کے لیے صدر ڈونلڈ جے ٹرمپ کو باضابطہ طور پر نامزد کرنے کا فیصلہ کیا ہے۔
بھارتی تجزیہ کار کاکہنا تھاکہ اچھی بات ہے دونوں ایک دوسرے کی تعریف کررہے ہیں لیکن ٹرمپ کا یہ بیان ان کے لیے بہت حیران کن ہے ۔
18 جون کو وائٹ ہاؤس میں فیلڈ مارشل کے اعزاز میں امریکی صدر ٹرمپ نے ظہرانہ دیا تھا جس کے بعد صحافیوں سے گفتگو کرتے ہوئے امریکی صدر نے سید عاصم منیر کا آمد پر شکریہ ادا کیا۔
یہ بھی پڑھیں :حکومت پاکستان کا 2026 کے نوبل امن انعام کے لیے صدر ڈونلڈ ٹرمپ کو نامزد کرنے کا اعلان
