مودی کابھارت مسلم دشمن ریاست بن چکا ہے: ہندوستانی مورخ رام چندر گوہا کااعتراف

نریندر مودی اور ان کی جماعت بی جے پی پر ایک بار پھر مسلمانوں کے خلاف نفرت انگیزی اور امتیازی سلوک کے الزامات سامنے آئے ہیں۔

بھارت کے معروف مورخ رام چندر گوہا نے کہا ہے کہ بی جے پی کی مسلم مخالف سوچ صرف زبانی نہیں بلکہ عملی اقدامات میں بھی صاف نظر آتی ہے۔

انہوں نے کہا کہ مودی، ان کے وزراء، وزیر داخلہ اور بی جے پی کی سوشل میڈیا ٹیم سب مل کر مسلمانوں کے خلاف نفرت کو ہوا دے رہے ہیں۔

 یہ خبر بھی پڑھیں :دہلی یونیورسٹی میں بی جے پی کا نظریاتی حملہ،مودی سرکار کا تعلیمی تعصب بے نقاب

رام چندر گوہا کے مطابق بھارت میں مسلمانوں کو منظم طریقے سے نشانہ بنایا جا رہا ہے ان پر ہجوم کے ذریعے حملے کیے جاتے ہیں، جنہیں اکثر سزا نہیں ملتی۔

مسلمانوں کے گھروں پر بغیر نوٹس کے بلڈوزر چلا د ئیے جاتے ہیں، ان کے نام ووٹر لسٹ سے نکالے جاتے ہیں اور متنازع شہریت قوانین کے ذریعے انہیں غیر ملکی قرار دینے کی کوششیں کی جا رہی ہیں۔

آن لائن بھی بی جے پی کے حامی مسلمانوں کے خلاف نفرت پھیلا رہے ہیں،بین الاقوامی انسانی حقوق کی تنظیموں نے بھی ان اقدامات پر شدید تشویش ظاہر کی ہے۔

یہ خبر بھی پڑھیں :بھارت میں علمی تحقیق اور سائنسی ترقی کے دعوے مودی سرکار کی تقاریر تک محدود

ان کا کہنا تھا کہ بھارت میں اقلیتوں، خاص طور پر مسلمانوں کے بنیادی حقوق خطرے میں ہیں۔ حکومت ان الزامات کو مسترد کرتی ہے، لیکن ناقدین کا کہنا ہے کہ یہ سب کچھ ایک منظم پالیسی کا حصہ ہے جس کا مقصد بھارت کی سیکولر شناخت کو بدلنا ہے۔

رام چندر گوہا کا کہنا ہے کہ اگر حالات نہ بدلے تو بھارت کا معاشرتی ڈھانچہ کمزور ہو جائے گا اور اس کا نقصان سب کو ہوگا، صرف اقلیتوں کو نہیں۔

نریندر مودی نہ صرف خود بالکہ انکی جماعت اور حکومت مسلم مخالف ہیں، ان کے وزراء، وزیرا داخلہ اور آن لائن ٹرول بریگیڈ اسے کھلے عام فروغ دیتے ہیں۔ بی جے پی کی مسلم مخالف سوچ محض بیانات کی حد تک نہیں، بلکہ عملی اقدامات کی شکل میں ظاہر ہوتی ہےجیسے منظم حملے، پرہجوم تشدد، بلڈوزر… pic.twitter.com/96FI0myOQW

— The Thursday Times (@thursday_times) June 28, 2025