حکومت کا بجلی بلوں سے ٹی وی فیس ختم کرنے کا فیصلہ ، حتمی اعلان وزیر اعظم کرینگے

اسلام آباد (مانیٹرنگ ڈیسک )حکومت نے عوام کو بڑا ریلیف دینے کا فیصلہ کیا ہے اور بجلی کے بلوں میں شامل 35 روپے ماہانہ پی ٹی وی فیس ختم کرنے کی منظوری دے دی ہے۔

ذرائع کے مطابق وزیر اعظم شہباز شریف آئندہ چند دنوں میں اس فیصلے کا باقاعدہ اعلان کریں گے۔ اس وقت ملک بھر کے بجلی صارفین سے ماہانہ ڈیڑھ ارب روپے سے زائد کی رقم پی ٹی وی فیس کی مد میں وصول کی جاتی ہے۔

 یہ خبر بھی پڑھیں :وفاقی حکومت نے بجلی کی قیمت میں فی یونٹ مزید 7سے 8 روپے کمی کی نوید سنا دی

ذرائع کا کہنا ہے کہ یہ ریلیف گھریلو کمرشل اور تمام اقسام کے صارفین کے لیے ہوگا، جس سے مہنگائی کے مارے عوام کو کچھ سہولت میسر آئے گی۔

حکومت کے اس اقدام کو سراہا جا رہا ہے اور توقع ہے کہ اس سے بجلی کے بلوں میں خاطر خواہ کمی آئے گی۔ بلوم برگ کی رپورٹ کےمطابق پاکستان دنیا کا سب سے زیادہ بہتری لانے والا ملک بن گیا ہے۔