پاسدارانِ انقلاب نے دعویٰ کیا ہے کہ گزشتہ چوبیس گھنٹوں کے دوران ہونے والی کارروائیوں میں دو سو امریکی فوجی ہلاک یا زخمی ہوئے ہیں،ایرانی ذرائع کے مطابق مختلف مقامات پر کیے گئے حملوں میں امریکی تنصیبات اور اہداف کو نشانہ بنایا گیا۔
پاسدارانِ انقلاب کے مطابق امریکی بحری اڈے پر کارروائی کے دوران اکیس امریکی فوجی مارے گئے، بیان میں کہا گیا کہ تہران کی ریفائنری پر حملے کے بعد جوابی کارروائی میں حیفا کی ریفائنری کو نشانہ بنایا گیا جبکہ ایک امریکی تیل بردار جہاز کو بھی ہدف بنایا گیا۔
دوسری جانب نین یاہو نے اپنے بیان میں کہا ہے کہ پاسدارانِ انقلاب کے وہ اہلکار جو ہتھیار ڈال دیں گے انہیں نقصان نہیں پہنچایا جائے گا۔ ان کا کہنا تھا کہ اسرائیل ان تمام ممالک کے ساتھ کھڑا ہے جو ایرانی حملوں کا نشانہ بنے ہیں اور ایسے ممالک اسرائیل سے رابطے میں ہیں۔
اسرائیلی وزیراعظم نے یہ بھی دعویٰ کیا کہ امریکہ کے ساتھ مل کر ایران کی فضائی حدود پر تقریباً مکمل کنٹرول حاصل کر لیا گیا ہے۔ ان کے مطابق ایران کی موجودہ حکومت کے خاتمے کے لیے ایک منظم منصوبہ موجود ہے اور اس حوالے سے مختلف اقدامات زیر غور ہیں۔
خطے میں بڑھتی ہوئی کشیدگی کے باعث صورتحال انتہائی حساس ہو چکی ہے عالمی برادری بھی مشرق وسطیٰ کی تیزی سے بدلتی صورتحال پر گہری نظر رکھے ہوئے ہے۔
By 
