امریکی صدر ڈونلڈ ٹرمپ نے روس کو یوکرین کے ساتھ امن معاہدہ کرنے کے لیے 50 دن کی مہلت دے دی

واشنگٹن: امریکی صدر ڈونلڈ ٹرمپ نے روس کو خبردار کیا ہے کہ اگر وہ پچاس دنوں کے اندر یوکرین کے ساتھ امن کامعاہدہ نہ کر سکا تو اس پرسوفیصد اضافی تجارتی ٹیرف نافذ کر دیا جائے گا۔

یہ بیان ٹرمپ نے اوول آفس میں نیٹو کے سیکرٹری جنرل مارک روٹے سے ملاقات کے بعد میڈیا سے گفتگو کے دوران دیا۔

صدر ٹرمپ نے واضح کیا کہ وہ روسی صدر ولادیمیر پیوٹن کے طرز عمل سے ناخوش ہیں کیونکہ ان کے مطابق پیوٹن کو دو ماہ قبل ہی امن کا معاہدہ کر لینا چاہیے تھا مگر ایسا نہ ہو سکا۔

ٹرمپ کا کہنا تھا کہ روس کو اب صرف 50 دن کا وقت دیا جا رہا ہے، اور اگر اس مدت میں پیش رفت نہ ہوئی تو امریکہ کی جانب سے نئے تجارتی پابندیاں لگائی جائیں گی۔

“I’m disappointed in President Putin because I thought we would have had a deal two months ago.”

President Trump threatens Russia with new tariffs during a meeting with NATO chief Mark Rutte at the White House.https://t.co/HBTPumSAPJ

📺 Sky 501 and YouTube pic.twitter.com/gtlP0aQPs7

— Sky News (@SkyNews) July 14, 2025

صدر ٹرمپ نے یہ بھی اعلان کیا کہ یوکرین کو پیٹریاٹ میزائل ڈیفنس سسٹم فراہم کیا جائے گا تاکہ وہ روسی حملوں سے اپنے دفاع کو مضبوط بنا سکے۔

یہ خبر بھی پڑھیں :امریکہ نے کینیڈا پر 35 فیصد درآمدی ٹیکس عائد کر دیا،باقی تمام ممالک کوبھی ٹیکس دینا ہوگا،ٹرمپ

ان کا کہنا تھا کہ یوکرین کو اپنے دفاع کا مکمل حق حاصل ہے اور امریکہ اس کی مدد جاری رکھے گا۔

صدر ٹرمپ نے کہا کہ ان کے خیال میں تجارت کے ذریعے تنازعات ختم کیے جا سکتے ہیں۔ انہوں نے دعویٰ کیا کہ ان کی حکومت نے پاکستان اور بھارت کے درمیان ممکنہ جوہری جنگ کو روکا۔

ان کا مزید کہنا تھا کہ وہ یورپی یونین اور دیگر عالمی شراکت داروں کے ساتھ تجارتی ٹیکسوں کے معاملات پر مذاکرات کے لیے تیار ہیں  اور اس حوالے سے یورپی یونین کے حکام جلد امریکہ آئیں گے۔

یاد رہے کہ کچھ دن قبل صدر ٹرمپ نے اعلان کیا تھا کہ یورپی یونین اور میکسیکو سے آنے والی اشیاء پر 30 فیصد درآمدی ٹیکس یکم اگست سے لاگو کر دیا جائے گا۔