By اسلام آباد: سینئر تجزیہ کار جبار چوہدری نے انکشاف کیا ہے کہ بھارتی خفیہ ایجنسی ’را ‘(RAW) دہشتگردی کی فرضی تنظیمیں بنا کر فالس فلیگ آپریشنز کرتی ہے۔ انہوں نے کہا کہ پہلگام واقعے کے بعد بھی را نے یہی حربہ اپنایا اور ایک تنظیم “ٹی آر ایف” پر الزام ڈال دیا، اب دعویٰ کیا جا رہا ہے کہ امریکہ اس تنظیم پر پابندی لگانے جا رہا ہے، حالانکہ یہ تنظیم را کی خود ساختہ تخلیق ہے۔
جبار چوہدری نے کہا کہ دنیا میں اگر کوئی ایجنسی یا ادارہ دہشتگردی کی مالی معاونت اور فالس فلیگ آپریشنز کے لیے بدنام ہے تو وہ بھارتی خفیہ ایجنسی را ہے۔ ’را ‘دہشتگردی کی فرضی تنظیمیں بناتی ہے، پھر انہی کے نام پر کارروائیاں کرکے اپنے شہریوں اور فوجیوں کو مرواتی ہے، اور بعد ازاں انہی تنظیموں کے لیٹر ہیڈ پر خود ہی ذمہ داری کے بیانات جاری کرکے پاکستان پر الزامات لگاتی ہے۔
انہوں نے کہا کہ پہلگام واقعہ کے بعد بھی ایسا ہی کیا گیا۔ را نے فوری طور پر ایک لیٹر ہیڈ پر بیان جاری کر دیا کہ واقعے کی ذمہ داری دہشتگرد تنظیم ٹی آر ایف نے قبول کر لی ہے۔
🚨🚨🚨
بھارت کی ایک چال پکڑی گئی!
راء دہشتگردی کی فرضی تنظیمیں بناتی،پھر فالس فلیگ کرتی،اسی طرح انہوں نے پہلگام کے بعد ایک تنظیم ٹی آر ایف پر الزام ڈال دیا،اب کہہ رہے امریکہ اس پر پابندی لگانے جارہا،یعنی خود ہی تنظیم بنائی،پاکستان کی طرف سے راء کو بین کرادیں ،جبار چوہدری… pic.twitter.com/kEmNl7eHFG— Azaad Defence (@AzaadDefence) July 17, 2025
جبار چوہدری نے سوال اٹھایا کہ اگر تنظیم نے ذمہ داری قبول کی ہے تو پھر کارروائی بھی ہونی چاہیے تھی اور ملزمان کو گرفتار بھی کیا جانا چاہیے تھا، لیکن را نے کچھ بھی نہیں کیا بلکہ بغیر کسی ثبوت کے پاکستان پر بے بنیاد الزامات عائد کر دیے اور جارحیت کا مظاہرہ شروع کر دیا۔
