ٹرمپ کی طیارے گرنے کی تصدیق نے بھارت کو  دنیا کے سامنے رسوا کردیا، دفاعی تجزیہ کار قادر بلوچ

امریکی صدر ڈونلڈ ٹرمپ کی حالیہ تصدیق نے بھارت کے عالمی سطح پر جھوٹے دعوؤں اور پروپیگنڈے کا بھانڈا پھوڑ دیا ہے، معروف تجزیہ کار اور دفاعی ماہر ڈاکٹر قادر بلوچ کے مطابق  ٹرمپ کی یہ تصدیق بھارت کی سفارتی ناکامی کو بے نقاب کر رہی ہے، جس نے اپنے بیانیے کو عالمی سطح پر مروج کرنے کے لیے جھوٹ اور کا سہارا لیا۔

دفاعی تجزیہ کار ڈاکٹر قادر بلوچ نے آزاد ڈیجیٹل سے خصوصی گفتگو کرتے کہا کہ  پاک بھارت تنازع میں پانچ طیارے گرے اس بات کی تصدیق ڈونلڈ ٹرمپ نے  وائٹ ہاؤس میں کچھ ریپبلکن امریکی قانون سازوں کے ساتھ عشائیے کے دوران کی ، یہ  وہ جہاز ہیں جن کے گرائے جانے سے متعلق ڈی جی آئی ایس پی آر اور ان کی ٹیم نے الیکٹرونک پروف دکھا کر ثابت کیا تھا، بھارت نے اس وقت انکار کیا ان کا سوشل میڈیا یہ بتا رہا تھا کہ ایسا نہیں ہوا لیکن  پوری دنیا جان چکی تھی لیکن بھارتی تعلقات کی بنا پر خاموش تھی۔

ڈونلڈ ٹرمپ نے بھارت کے پانچ طیارے گرانے کی تصدیق کردی،یہ وہ جہاز ہیں جن کے گرائے جانے سے متعلق ڈی جی آئی ایس پی آر اور ان کی ٹیم نے الیکٹرونک پروف دکھا کر ثابت کیا تھا،بھارت کے جھوٹ نے انہیں دنیا کے سامنے رسوا کردیا،دفاعی تجزیہ کار ڈاکٹر قادر بلوچ pic.twitter.com/abUxlWjkyI

— Azaad Urdu (@azaad_urdu) July 19, 2025

ان کاکہنا تھا کہ اس کے بعد ڈپٹی آرمی چیف نے پانچ طیارے گرنے کی تصدیق کی جس کے بعد جے شنکر نے بھی تسلیم کیا کہ رافیل طیارے گرے ۔

یہ بھی پڑھیں :پاکستان نے بھارت کے پانچ جنگی طیارے مار گرائے تھے ، امریکی صدر ٹرمپ

یہ کیسے ہوسکتا ہے کہ ادھم پور کی تباہی اور جہاں جہاں نقصان ہوا وہ انہیں پتہ نہ چلا ہو ، بھارتی عوام ابھی تک مان نہیں رہی لیکن بھارت جلد ہی اپنے جھوٹ کا پردہ فاش کرے گا، پاکستان پہلے دن سے اپنا موقف بیان کرتا آیا ہے اور پوری دنیا نے اسے مانا لیکن بھارت کے جھوٹ نے انہیں دنیا کے سامنے رسوا کردیا۔

واضح رہے کہ آج امریکی صدر ڈونلڈ ٹرمپ نے کہا ہے کہ بھارت اور پاکستان  جھڑپوں کے دوران  5 تک جنگی طیارے مار گرائے گئے، تاہم صورتِ حال جنگ بندی کے بعد پرسکون ہو گئی۔