پی ٹی آئی سوشل میڈیاکی جانب سے حامد میر کےجعلی ٹویٹ کی تشہیر

ویب ڈیسک۔ آزاد فیکٹ چیک نے پی ٹی آئی کے ایک سوشل میڈیا ایکس (سابقہ ٹوئٹر) ہینڈل کی جانب سے سینئر صحافی حامد میر سے منسوب کرکے پھیلائی جانے والی غلط اور جعلی معلومات کو بے نقاب کیا ہے۔

رپورٹ کے مطابق، پی ٹی آئی رہنما چوہدری شہباز گِل کی جانب سے ایک اسکرین شاٹ شیئر کیا گیا ہے جو کہ جعلی اور ڈیجیٹلی تبدیل شدہ (manipulated) ہے۔

🚨 Azaad Fact Check has identified spread of misinformation by an PTI social media X handle. The screenshot shared by Ch.Shahzad Gill is fake and digitally manipulated. There was no such tweet posted by the journalist. https://t.co/1VGFSHx2S0 pic.twitter.com/g0NoaXKbCG

— Azaad Fact Check (@azaadfactcheck) July 21, 2025

شیئر کی گئی اس جعلی ٹویٹ میں حامد میر کے نام سے منسوب کرتے ہوئے دعویٰ کیا گیا کہ:
“رانا صاحب ایک ہفتہ ہوگیا میرے چیلنج کو لیکن آپ کا جواب نہیں آیا۔ اب دوسری خبر لو نواز شریف کے بعد شہباز شریف بھی جیل میں عمران خان سے ملنے گئے عمران خان سے مذاکرات کی پیشکش کی عمران نے ٹھکرا کر کہا کہ میں چوروں سے بات نہیں کرتا آپ تشریف لاوں میرے پروگرام میں اور مجھے جھوٹا ثابت کریں نہیں تو مان جاوں کہ آپکی پوری ریاست جیل میں بیٹھے قیدی نمبر 804 کی محتاج ہے۔”

آزاد فیکٹ چیک کے مطابق، یہ ٹویٹ اصل میں کبھی پوسٹ نہیں کی گئی اور اس کی کوئی حقیقت نہیں ہے۔ یہ اسکرین شاٹ جعلی ہے اور عوام کو گمراہ کرنے کی غرض سے بنایا گیا ہے جو کہ قانون کے مطابق جرم بھی ہے۔

یہ بھی پڑھیں: بھارت کا پاکستان کے جوہری اثاثوں پر حملے کا جھوٹا دعویٰ بے نقاب، ’آزاد فیکٹ چیک‘ نے ساری حقیقت آشکار کردی