سونے کی قیمتوں میں ہوشربا اضافہ، عوام کیلئے خریداری مزید مشکل

کاروباری ہفتے کے آغاز پر ملک میں سونے کی قیمت میں نمایاں اضافہ ریکارڈ کیا گیا ہے، جس سے یہ قیمتی دھات عام عوام کی پہنچ سے مزید دور ہو گئی ہے۔

آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 3,600 روپے کا اضافہ ہوا ہے، جس کے بعد نئی قیمت 3 لاکھ 61 ہزار 600 روپے ہو گئی ہے۔

اسی طرح 10 گرام سونے کی قیمت 3,087 روپے اضافے کے بعد 3 لاکھ 9 ہزار 671 روپے تک پہنچ گئی ہے۔

دوسری جانب عالمی مارکیٹ میں بھی سونے کی قیمت میں 26 ڈالر کا اضافہ ہوا ہے، جس کے بعد فی اونس سونا 3,387 ڈالر میں فروخت ہو رہا ہے۔