پاکستان پرامن اورترقی پسند ملک، دشمن کو ہماری یکجہتی کی وجہ سے ہمیشہ مذموم مقاصدمیں مایوسی ہوگی ، ڈی جی آئی ایس پی آر

پاک فوج کے ترجمان ڈائریکٹر جنرل آئی ایس پی آر لیفٹیننٹ جنرل احمد شریف چوہدری نے کہا ہے کہ پاکستان ایک پرامن، ترقی پسند اور متحد قوم ہے  اور دشمن کو ہر بار قوم کی یکجہتی، عزم اور حوصلے کے سامنے ناکامی کا سامنا کرنا پڑا ہے۔

پاک فوج کے شعبہ تعلقات عامہ کے ڈائریکٹر جنرل لیفٹیننٹ جنرل احمد شریف چودھری نے کہا ہے کہ پاکستان ایک پُرامن اور ترقی پسند ملک ہے اور دشمن ہماری قومی یکجہتی کی وجہ سے ہمیشہ ناکام و نامراد رہے گا۔

یہ بات انہوں نے لاہور میں مختلف مذاہب کے نمائندوں اور نوجوانوں سے ایک خصوصی نشست کے دوران کہی، جہاں شرکاء نے ان کا پُرتپاک استقبال کیا۔ ڈی جی آئی ایس پی آر نے اس موقع پر آپریشن “بنيان مرصوص” میں پاک افواج کی کامیابی کو پوری قوم کی اجتماعی فتح قرار دیا۔

یہ بھی پڑھیں :کوئی شک نہیں کہ کشمیر پاکستان کی شہ رگ ہے، ڈی جی آئی ایس پی آر

انہوں نے کہا کہ پاکستانی قوم بغیر کسی مذہبی تفریق کے ہر چیلنج اور ہر دشمن کے خلاف متحد ہو کر کھڑی ہوتی ہے اور فتح حاصل کرتی ہے۔ پاکستان میں رہنے والے تمام مذاہب کے لوگ ایک مشترکہ تاریخ، نظریے اور حب الوطنی کے جذبے سے یکجان و یکدل ہیں۔

لیفٹیننٹ جنرل احمد شریف چودھری کا کہنا تھا کہ بین المذاہب ہم آہنگی پاکستان کی قومی طاقت کی بنیاد ہے اور یہی اتحاد دشمن کے ناپاک عزائم کے آگے سب سے بڑی رکاوٹ ہے۔

انہوں نے مزید کہا کہ وطن عزیز کے روشن اور مستحکم مستقبل کی ضمانت نوجوان نسل ہے، جن کے کردار اور جذبے سے قوم کو نئی جہتیں ملیں گی۔

نشست کے دوران طلباء و طالبات نے آپریشن بنيان مرصوص کی کامیابی پر افواجِ پاکستان کو خراجِ تحسین پیش کیا۔