بھارتی طیاروں کے پاکستانی فضائی حدود میں داخل ہونے کا جھوٹا پروپیگنڈہ بے نقاب

آزاد فیکٹ چیک نے بھارت کے ایکس ہینڈل کی جانب سے کیے گئے اس دعوے کو جھوٹا قرار دیا ہے جس میں کہا گیا تھا کہ بھارتی فضائیہ نے پاکستان کی فضائی حدود میں داخل ہو کر پاک فضائیہ کے طیاروں سے جھڑپ کی۔

آزاد فیکٹ چیک کے مطابق 6 سے 10 مئی کے درمیان دونوں ممالک کے درمیان کسی ممکنہ فضائی کشیدگی کے دوران بھارتی طیارے کسی بھی قسم کے ایئر ٹو ایئر میزائل فائر کرنے میں ناکام رہے۔

🚨 Azaad Fact Check has debunked claims by an India-based X handle regarding the Indian Air Force (IAF) entering Pakistan and engaging Pakistan Air Force jets. The fact check asserts that during the reported May 6th-10th conflict between India and Pakistan, the IAF was unable to… https://t.co/HswUqKVWu9 pic.twitter.com/M3NsHjsoqg

— Azaad Fact Check (@azaadfactcheck) July 26, 2025

آزاد فیکٹ چیک کے مطابق اس کی بڑی وجہ پاکستانی بی وی آر میزائلوں کی زیادہ رینج تھی جس کے باعث بھارتی طیارے مؤثر ردعمل دینے کی پوزیشن میں ہی نہ آ سکے

یہ خبر بھی پڑھیں :بھارت کا پاکستان کے جوہری اثاثوں پر حملے کا جھوٹا دعویٰ بے نقاب، ’آزاد فیکٹ چیک‘ نے ساری حقیقت آشکار کردی
رپورٹ میں ایک ویڈیو کا حوالہ بھی دیا گیا ہے جو بھٹِنڈہ (بھارت) سے سامنے آئی جس میں مبینہ طور پر ایک رافیل لڑاکا طیارے کا ملبہ دیکھا جا سکتا ہے۔

ویڈیو میں یہ واضح ہے کہ طیارے کے پائلونز پر ایئر ٹو ایئر میزائل نصب تھے جس سے ظاہر ہوتا ہے کہ طیارہ میزائل فائر کیے بغیر ہی مار گرایا گیا۔

یہ دعویٰ بھارت میں سوشل میڈیا پر پھیلایا جا رہا تھا کہ بھارتی فضائیہ نے پاکستان ایئر فورس کے ساتھ فضائی جھڑپ کی مگر اس تصدیق نے پروپیگنڈا کو جھوٹا اور بے بنیاد قرار دے دیا ۔